मंग्सिर २, २०८३ बुधबार November 18, 2026

युक्रेनलाई गरिएको सहयोगमा युरोपेली समूह राष्ट्रले योगदान गर्नुपर्ने

इरानसँगको युद्धमा अमेरिकी सैन्य बलमा गोलीबारूदको अभाव छ भन्ने रिपोर्टहरूलाई गरे अस्वीकार

शेयर गर्नुहोस:
फन्ट परिवर्तन गर्नुहोस: अ अ अ

वासिङ्टन, १९ भदौ (रासस/एएफपी): अमेरिकी राष्ट्रपति डोनाल्ड ट्रम्पले आफ्ना पूर्ववर्ती जो बाइडेन नेतृत्वले युक्रेनलाई दिएको अमेरिकी सहयोगको रकम युरोपेली समूह राष्ट्रहरूबाट फिर्ता माग्ने बताउनुभएको छ ।

ट्रम्पले लामो समयदेखि युरोपेली राष्ट्रहरूसँग युक्रेनलाई पश्चिमी सहयोगको लागतको ठूलो हिस्सा वहन गर्न माग गर्दै आउनुभएको छ । चार वर्ष पहिले युक्रेनमा रुसले आक्रमण गरेदेखि रूस र युक्रेनबीच युद्ध जारी छ ।

उहाँले भन्नुभयो, “यदि मात्र उनीहरूलाई भनिएकोे भए युक्रेन र नाटोलाई निःशुल्क दिइएको सयौँ अर्ब डलरको ठूलो हिस्सा युरोपले तिरेको हुन्थ्यो ।”

“केही ढिलो भए पनि हामी त्यो पैसा माग्नेछौँ,” राष्ट्रपति ट्रम्पले बिहीबार सामाजिक सञ्जाल प्लेटफर्म ट्रुथ सोसलमा लेख्नुभएको छ ।

अमेरिकी राष्ट्रपति ट्रम्पले भुक्तानी कुन देशले गर्नुपर्ने हो भन्ने कुरा भने प्रष्ट छैन ।

पोस्टमा राष्ट्रपति ट्रम्पले इरानसँगको युद्धमा अमेरिकी सैन्य बलमा गोलीबारूदको अभाव छ भन्ने रिपोर्टहरूलाई पनि अस्वीकार गर्नुभयो ।

“हामीसँग मध्यमदेखि उच्च श्रेणीका गोलीबारी लगभग असीमित मात्रामा छन्,” उहाँले लेख्नुभएको छ, “गोलाबारूद ‘यसपहिले कहिल्यै नगरिएको स्तरमा’ उत्पादन भइरहेका छन् ।”

ट्रम्पले भन्नुभयो, “वासिङ्टनले भण्डारण बढाइरहेको छ र आकस्मिक अवस्थाका लागि तयारी गरिरहेको छ तर अस्थायी रूपमा विदेशमा हतियार बिक्री स्थगन गरेको छ ।”

“हामी अरूलाई बेच्नुको सट्टा आँफैका लागि गोलीबारी लिइरहेका छौँ, तर सहयोगीहरूलाई पुनः यो बिक्री चाँडै सुरु हुनेछ,” उहाँले थप्नुभयो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तातोपानी नाका तत्काल खुलाउन चीनसँग परराष्ट्रमन्त्री खनालको आग्रह
२०८३ मंग्सिर २, बुधबार
सभामुख अर्याल र चिनियाँ जनसंघका अध्यक्ष याङबीच शिष्टाचार भेटवार्ता
२०८३ मंग्सिर २, बुधबार
दानबहादुर कार्कीको रिटमा सर्वोच्चले बोलायो दुवै पक्ष, अन्तरिम आदेशबारे निर्णय हुने
२०८३ मंग्सिर २, बुधबार
त्रिवि पुनर्संरचनाअन्तर्गत पीएन क्याम्पसलाई स्वायत्त बनाउने गृहकार्य सुरु
२०८३ मंग्सिर २, बुधबार
मोरङमा निःशुल्क आँखा शिविर, ३ हजार ५०० को परीक्षण र २७५ जनाको मोतियाबिन्दुको शल्यक्रिया
२०८३ मंग्सिर २, बुधबार
एनपीएल इलिमिनेटरमा आज काठमाडौं र चितवन भिड्दै, विजेताले दोस्रो क्वालिफायर खेल्ने
२०८३ मंग्सिर २, बुधबार
नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला
२०८३ मंग्सिर २, बुधबार