मंग्सिर २, २०८३ बुधबार November 18, 2026

चिनियाँ एआईमाथि अमेरिकी आरोप

चिनियाँ एआईको बढ्दो सफलताले अमेरिकी कम्पनीमाथि प्रतिस्पर्धात्मक दबाब

शेयर गर्नुहोस:
फन्ट परिवर्तन गर्नुहोस: अ अ अ

वासिङ्टन, २४ भदौ : अमेरिकी साइबर सुरक्षा अधिकारीहरूले डीपसिक, मुनसट एआईलगायत प्रमुख चिनियाँ एआई कम्पनीले अमेरिकी एआई मोडलका क्षमता र प्रविधि व्यवस्थित रूपमा नक्कल तथा चोरी गरिरहेको आरोप लगाएका छन् । अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिनपिङबीच यसै महिना ह्वाइट हाउसमा हुनसक्ने सम्भावित भेटवार्ताअघि यस्तो आरोप आएको हो ।

अमेरिकी साइबर डिफेन्स एजेन्सीले चीनमा आधारित कम्पनीहरूले ठूला अमेरिकी एआई मोडलका परिणाम र क्षमताको नक्कल गरी आफ्ना एआई मोडललाई प्रशिक्षित गर्ने प्रविधिमार्फत अमेरिकी प्रविधि हासिल गरिरहेको जनाएको छ । यस प्रक्रियामा ठूलो र बढी क्षमतायुक्त मोडलको परिणामको नक्कल गर्न अर्को मोडललाई प्रशिक्षित गरिन्छ । एआई उद्योगमा यो विधि सामान्य भए पनि चिनियाँ कम्पनीहरूले अमेरिकी प्रणालीको अवैध प्रतिलिपि बनाउन ठूलो स्तरमा प्रयोग गरिरहेको अमेरिकी अधिकारीहरूको दाबी छ ।

डीपसिक, मुनसट एआई, अलीबाबा, मिनीमैक्स, स्टेपफन र जेड.एआईले ओपनएआई, एन्थ्रोपिक, गुगल र एक्सएआईका मोडलसँग लाखौँ पटक अन्तरक्रिया गरी तिनका क्षमता हासिल गर्न अनुरोधहरू प्रयोग गरेको आरोप लगाइएको छ । अमेरिकी अधिकारीहरूले यस्तो गतिविधि सम्भवतः चिनियाँ सरकारको जानकारीमै सन् २०२४ को अन्त्यदेखि भइरहेको दाबी गरेका छन् ।

चिनियाँ एआईको बढ्दो सफलताले अमेरिकी कम्पनीमाथि प्रतिस्पर्धात्मक दबाब बढिरहेका बेला ट्रम्प प्रशासन विदेशी एआई मोडलमाथि कडा प्रतिबन्ध लगाउने विषयमा पनि दबाबमा छ । तर गत जुलाईमा दर्जनौँ अमेरिकी स्टार्टअपले विदेशी निर्मित एआई मोडलमाथि पूर्ण प्रतिबन्ध लगाउनुअघि पुनर्विचार गर्न आग्रह गरेका थिए ।

चीनले भने अमेरिकी आरोप अस्वीकार गर्दै अमेरिकी एआई कम्पनीहरूले आफ्ना मोडल प्रशिक्षणका लागि चिनियाँ एआईका उदाहरण प्रयोग गरिरहेको आरोप लगाएको छ । यसरी दुवै मुलुकबीच एआई प्रविधिमा प्रतिस्पर्धासँगै एकअर्कामाथि प्रविधि नक्कल गरेको आरोपसमेत तीव्र बनेको छ । रासस/एएफपी

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तातोपानी नाका तत्काल खुलाउन चीनसँग परराष्ट्रमन्त्री खनालको आग्रह
२०८३ मंग्सिर २, बुधबार
सभामुख अर्याल र चिनियाँ जनसंघका अध्यक्ष याङबीच शिष्टाचार भेटवार्ता
२०८३ मंग्सिर २, बुधबार
दानबहादुर कार्कीको रिटमा सर्वोच्चले बोलायो दुवै पक्ष, अन्तरिम आदेशबारे निर्णय हुने
२०८३ मंग्सिर २, बुधबार
त्रिवि पुनर्संरचनाअन्तर्गत पीएन क्याम्पसलाई स्वायत्त बनाउने गृहकार्य सुरु
२०८३ मंग्सिर २, बुधबार
मोरङमा निःशुल्क आँखा शिविर, ३ हजार ५०० को परीक्षण र २७५ जनाको मोतियाबिन्दुको शल्यक्रिया
२०८३ मंग्सिर २, बुधबार
एनपीएल इलिमिनेटरमा आज काठमाडौं र चितवन भिड्दै, विजेताले दोस्रो क्वालिफायर खेल्ने
२०८३ मंग्सिर २, बुधबार
नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला
२०८३ मंग्सिर २, बुधबार