काठमाण्डौंः काठमाण्डौं उपत्यकामा शुक्रबारसम्म कोरोना संक्रमितको कुल संख्या ७४ हजार ९ सय ९१ जना पुगेको छ ।
स्वास्थ्य तथा जनसंख्या मन्त्रालयका अनुसार यो संख्या काठमाण्डौं, ललितपुर र भक्तपुर जिल्लाको समेत गरी हो । कोरोना भाईरस संक्रमणका कारण हालसम्म काठमाण्डौं उपत्यकामा ३ सय ३३ जनाको मृत्यु भएको छ ।
मन्त्रालयका अनुसार हालसम्म काठमाण्डौं जिल्लामा कुल संक्रमितको संख्या ६० हजार ७ सय ४२ पुगेको छ । जसमध्ये ४४ हजार २ सय ८८ जना निको भएका छन् भने २ सय १२ जनाको मृत्यु भएको छ । सक्रिय संक्रमितको संख्या १६ हजार २ सय ४२ पुगेको छ ।
त्यसैगरी ललितपुर जिल्लामा कुल संक्रमितको संख्या ८ हजार ५९९ जना रहेको छ । जसमध्ये ६ हजार १९६ जना निको भएका छन् भने ५८ जनाको मृत्यु भएको छ । सक्रिय संक्रमितको संख्या भने हालसम्म २ हजार ३ सय ४५ रहेको छ ।
भक्तपुर जिल्लामा भने ५ हजार ६५० जना संक्रमित रहेका छन् जसमध्ये ४ हजार ४२२ जना निको भएका छन् । भक्तपुरमाा हालसम्म ६३ जनाको मृत्यु भएको छ । त्यसैगरी सक्रिय संक्रमितको संख्या भने १ हजार १६५ रहेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया