मंग्सिर १, २०८३ मंगलबार November 17, 2026

केन्द्रीय कमिटी बैठक मंसिर ४ गते बोलाउने एमालेको निर्णय

वरिष्ठ नेता विद्यादेवी भण्डारीले समसामयिक राष्ट्रिय राजनीति र पार्टीका विषयमा कार्यपत्र प्रस्तुत गर्नुहुने

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । नेकपा एमालेले मंसिर ५ गतेका लागि तय गरेको केन्द्रीय कमिटी बैठक एक दिनअघि सारेर मंसिर ४ गते बोलाउने निर्णय गरेको छ ।

मंगलबार पार्टी कार्यालय च्यासलमा बसेको स्थायी कमिटी बैठकले केन्द्रीय कमिटी बैठकको मिति परिवर्तन गर्ने निर्णय गरेको एमाले उपमहासचिव लेखराज भट्टले जानकारी दिनुभयो ।

बैठकले मंसिर २ र ३ गते आयोजना हुने राष्ट्रिय भेलामा प्रस्तुत गरिने एजेण्डासमेत पारित गरेको छ । भेलामा स्थानीय तह निर्वाचनको तयारी र पार्टी सङ्गठन परिचालनलाई मुख्य विषय बनाइने उपमहासचिव भट्टले बताउनुभयो ।

उहाँका अनुसार राष्ट्रिय भेलामा अध्यक्ष केपी शर्मा ओलीले वर्तमान राष्ट्रिय राजनीति, पार्टीको भावी कार्यदिशा र आगामी दिनमा गर्नुपर्ने कामबारे कार्यपत्र प्रस्तुत गर्नुहुनेछ । वरिष्ठ नेता विद्यादेवी भण्डारीले समसामयिक राष्ट्रिय राजनीति र पार्टीका विषयमा कार्यपत्र प्रस्तुत गर्नुहुनेछ ।

त्यसैगरी, उपाध्यक्ष रामबहादुर थापाले संसदीय सङ्घर्षसम्बन्धी कार्यपत्र प्रस्तुत गर्नुहुनेछ भने अर्का उपाध्यक्ष विष्णु पौडेलले एमाले नेतृत्वको कार्यकालमा भएका विकास निर्माणका कामको तथ्याङ्कसहित विवरण प्रस्तुत गर्नुहुनेछ । पार्टीको शुद्धीकरण र सुदृढीकरणका विषयमा महासचिवले कार्यपत्र प्रस्तुत गर्ने कार्यक्रम रहेको भट्टले जानकारी दिनुभयो ।

भट्टले भन्नुभयो, “केन्द्रीय कमिटीको बैठक हामीले ५ गते राख्ने भनेका थियौँ, त्यसलाई ४ गते सारिएको छ । आजको महत्त्वपूर्ण निर्णय राष्ट्रिय भेला तयारीसम्बन्धी हो । राष्ट्रिय भेलामा अध्यक्ष कमरेडको वर्तमान नेपालको राष्ट्रिय राजनीति, भावी कार्यदिशा र पार्टीले गर्नुपर्ने कामका विषयमा कार्यपत्र प्रस्तुत हुन्छ । त्यसैगरी समसामयिक राष्ट्रिय राजनीति र पार्टी विशेषमा वरिष्ठ नेताको कार्यपत्र प्रस्तुत हुन्छ । उपाध्यक्ष रामबहादुर थापाले संसदीय सङ्घर्षका बारेमा कार्यपत्र प्रस्तुत गर्नुहुनेछ भने एमालेको कार्यकालमा भएका विकासका कामको तथ्याङ्कसहितको प्रस्तुति उपाध्यक्ष विष्णु पौडेलले गर्नुहुनेछ । पार्टीको शुद्धीकरण र सुदृढीकरणका विषयमा महासचिवले कार्यपत्र प्रस्तुत गर्ने निर्णय भएको छ ।”

बैठकमा राष्ट्रिय भेलाको तयारीबारे सङ्गठन विभाग प्रमुख तथा पार्टीका केन्द्रीय सचिव भानुभक्त ढकालले जानकारी गराउनुभएको थियो ।

राष्ट्रिय भेलामा पार्टी पुनर्गठनको विषयमा भने छलफल नहुने भट्टले स्पष्ट पार्नुभयो । उक्त विषय केन्द्रीय कमिटीले यसअघि नै टुङ्ग्याइसकेकाले थप छलफल आवश्यक नरहेको उहाँको भनाइ थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
केन्द्रीय कमिटी बैठक मंसिर ४ गते बोलाउने एमालेको निर्णय
२०८३ मंग्सिर १, मंगलबार
सभामुख अर्यालसँग फ्रान्स-नेपाल संसदीय समूहकी अध्यक्षद्वारा शिष्टाचार भेटवार्ता
२०८३ मंग्सिर १, मंगलबार
एनपिएल : दीपेन्द्रको अर्धशतक, लुम्बिनीलाई सुदूरपश्चिमको १०६ रनको लक्ष्य
२०८३ मंग्सिर १, मंगलबार
वित्तीय अपराध अनुसन्धानलाई परिणाममुखी बनाउन सूचना आदानप्रदान प्रणाली सुदृढ गर्नुपर्ने : आईजीपी केसी
२०८३ मंग्सिर १, मंगलबार
अन्तरराष्ट्रिय शैक्षिक सहकार्य विस्तार गर्न त्रिविद्वारा ‘कन्ट्री फोकल पर्सन’ को आह्वान
२०८३ मंग्सिर १, मंगलबार
बैतडीको रौलाकेदार धाममा भक्तजनको घुइँचो, कार्तिक शुक्ल अष्टमीमा विशेष पूजा
२०८३ मंग्सिर १, मंगलबार
जब्दीघाटमा नयाँ पुल निर्माणका लागि ठेक्का सम्झौता
२०८३ मंग्सिर १, मंगलबार