काठमाण्डौंः गण्डकी प्रदेशका मुख्यमन्त्री पृथ्वीसुब्बा गुरुङले मीत लगाएका छन् । उनले म्याग्दीको अन्नपूर्ण गाउँपालिकाका अध्यक्ष क्याप्टेन डमबहादुर पुनसँग मितेरी साइनो जोडेका छन् ।
मुस्ताङका प्रदेशसभा सदस्य चन्द्रमोहन गौचनका पिताको निधनमा श्रद्धाञ्जली दिन पुगेका मुख्यमन्त्री गुरुङ फर्किने क्रममा म्याग्दी बसेका थिए । सोही क्रममा उनले काङ्ग्रेसबाट निर्वाचित गाउँपालिका अध्यक्षसँग मितेरी साइनो गाँसेका जनाइएको छ । मुख्यमन्त्रीका प्रेस सल्लाहकार विक्रम न्यौपानेले मितेरी लगाएको जानकारी दिएका छन् ।
‘‘पहिलादेखिको योजना होइन, हामीलाई थाहा थिएन, हिजो जाँदा अनुहार मिल्ने भनेर टाउको ठोक्काउने काम भयो,’’ पुनले भने । मुख्यमन्त्री गुरुङ जिल्लामा आएको अवसरमा एक अर्काले टीका र माला लगाएर ‘मित’ साइनो जोडिएको गाउँपालिका अध्यक्ष पुनले जानकारी दिए ।
उनीहरुले एक अर्कालाई टोपी लगाइदिएका थिए । मुख्यमन्त्री गुरुङ र गाउँपालिका अध्यक्षले टीका र माला एक-अर्कालाई लगाउनुको साथै केक समेत काटेर खुसीयाली साटासाट गरिएको जनाइएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया