बैसाख २१, २०८३ सोमबार
May 4, 2026
न्युज डेस्क
२०७६ कार्तिक ५, मंगलबार
काठमाडौं । नेत्रविक्रम चन्द ‘विप्लव’ समूहले केन्द्रीय सदस्यबाट हटाएका गुणराज लोहनीलाई प्रहरीले पक्राउ गरेको छ।
सादा पोसाकमा खटिएका प्रहरीले आज (मंगलबार) बिहान चितवनबाट पक्राउ गरेको हो।
विप्लव समूहले सोमबार विज्ञप्ति जारी गरी लोहनीको स्वास्थ्य समस्या देखाउँदै पार्टीको जिम्मेवारीबाट मुक्त गरिएको जानकारी गराएको थियो।
उनलाई भरतपुर महानगरपालिका-११ बसेनी क्षेत्रबाट पक्राउ गरिएको चितवन जिल्ला प्रहरी कार्यालयले जनाएको छ।
पक्राउ परेका लोहनीलाई प्रहरी कार्यालयमा राखी थप अनुसन्धान भइरहेको चितवन जिल्ला प्रहरी कार्यालयका प्रहरी उपरीक्षक दानबहादुर मल्लले जानकारी दिएका छन।
लोहनी विप्लव समूहद्वारा सञ्चालित रातो खबरका सञ्चालकसमेत रहेको बताइएको छ।
प्रतिबन्धित विप्लव नेतृत्वको नेकपाका नेता-कार्यकर्ता पक्राउ अभियानलाई सरकारले तीव्र पारेको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया