वैशाख २१, २०८१ शुक्रबार
May 3, 2024
न्युज डेस्क
२०७६ कार्तिक २५, सोमबार
काठमाडौं । कांग्रेस भातृ संगठन दरुण दलले सोमबार प्रहरी विरुद्ध नेपालगञ्जमा प्रदर्शनको तयारी गरेको छ।
तरुण दलका नेपालगञ्ज नगर सभापति सन्दीपजंग शाहसहित छ जनालाई प्रहरीले पक्राउ गरेको विरोधमा प्रदर्शन गर्न लागिएको तरुण दलले जनाएको छ।
प्रदर्शनका लागि गाउँ–गाउँबाट कांग्रेस कार्यकर्ता नेपालगञ्जमा भेला हुन थालेका छन्।
प्रदर्शनपछि हुने सभालाई कांग्रेस केन्द्रीय सदस्य एवम् राष्ट्रिय सभामा प्रमुख विपक्षी दलका नेता सुरेन्द्र पाण्डे, कांग्रेस केन्द्रीय सदस्य रञ्जितसिंह राठौर, कांग्रेस बाँकेकी सभापति किरण कोइराला, तरुण दल केन्द्रीय उपाध्यक्ष उत्तम चापागाइँ, बाँके अध्यक्ष वीरेन्द्रबहादुर शाहलगायतले सम्बोधन गर्ने बताइएको छ।
प्रहरीले १४ कात्तिकमा जानकी गाउँपालिका–६, गनापुरस्थित नमस्ते रिसोर्टबाट तरुण दलका नेपालगञ्ज नगर सभापति सन्दीपजंग शाहसहित ६ जनालाई हतियारसहित पक्राउ गरेको थियो।
तर तरुण दलका नेताहरुले भने प्रहरीले षड्यन्त्रपूर्ण ढंगले आफ्ना नेतालाई फसाउन खोजेको आरोप लगाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया