असोज १२, २०८३ सोमबार
September 28, 2026
युग खबर
२०७७ चैत्र १९, बिहिबार
काठमाण्डौंः मध्यपश्चिमाञ्चल विश्वविद्यालयको कानुन संकाय अन्तर्गत बीए एलएलबीको पुनः प्रवेश परीक्षा नगराउन उच्च अदालत सुर्खेतले अल्पकालीन अन्तरिम आदेश दिएको छ ।
विद्यार्थीहरुको माग अनुसार सो परिक्षा रद्द गर्न उच्च अदालत सुर्खेतका न्यायाधीश राजेन्द्र खरेलको इजलासले अल्पकालीन अन्तरिम आदेश जारी गरेको हो ।
विश्वविद्यालयको कानुन संकायको केन्द्रीय क्याम्पसले स्नातक तह बीएएलएलबी अध्ययनका लागि गत फागुन १७ गतेदेखि १९ सम्म प्रवेश परीक्षा लिएको थियो । तर, उक्त प्रवेश परीक्षा विवादित भएपश्चात् विश्वविद्यालयको कार्यकारी परिषद्ले नतिजा समेत रद्द गरी चैत २२ गतेका लागि पुनः प्रवेश परीक्षा तोकेको थियो ।
विद्यार्थीले पहिलेकै प्रवेश परीक्षाको नतिजालाई मान्यता दिन र पुनः प्रवेश परीक्षा रोक्न माग गर्दै कार्यकारी परिषद्को निर्णयविरुद्ध प्रवेश परीक्षा उतीर्ण भएका विद्यार्थीले उच्च अदालत सुर्खेतमा रिट दिएका थिए । खबर एजुकेशन
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया