सुनको मूल्य फेरि बढ्यो

काठमाण्डौः नेपाली बजारमा सुनको मूल्य अघिल्लो दिनको तुलनामा मंगलवार प्रतितोला तीन सयले बृद्धि भएको छ ।

मंगलवार छापावाल सुन प्रतितोला रू. ७२ हजार २ सयमा कारोबार भइरहेको छ भने तेजाबी सुन प्रतितोला रू.७१ हजार ९ सयमा कारोबार भइरहेको नेपाल सुनचाँदी व्यावसायी महासंघले जनाएको छ ।

सोमवार सुनको मूल्य प्रतितोला रू.७१ हजार ९ सयमा कारोबार भएको थियो  ।

यसैगरी चाँदीको मूल्य पनि मंगलवार अघिल्लो दिनको तुलनामा रू.१५ ले बढेर प्रतितोला रू. ८ सय ७५ रूपैयामा कारोबार भइरहेको छ ।