वैशाख २०, २०८१ बिहिबार
May 2, 2024
युग खबर
२०७९ असोज १०, सोमबार
काठमाडाैंः प्रविधिकाे जमानामा बालबालिकाहरुले ल्यापटप, कम्प्युटर अथवा माेबाइल फाेन प्रयाेग गर्नु सामान्य बन्दै गइरहेकाे छ । अर्काे पाटाेमा ‘माेबाइल अथवा ल्यापटपमा धेरै समय’ भनेर अभिभावकहरुले गर्ने गुनासाे छँदै छ । तर सही प्रविधिसँग उनीहरु परिचित भए भने त्यसले एउटा राम्राे नतिजा ल्याउँदछ ।
बालबालिकालाई पढाउने, सामान्य सीपहरु सिकाउने वेबसाइटहरु धेरै छन्, जहाँ अभिभावक अथवा शिक्षकशिक्षिकाले सहजीकरण गरि दिएर उनीहरुलाई सिकाउन सकिन्छ । आज हामी तीमध्ये ८ वेबसाइटकाे चर्चा गर्दैछाैँ, जसले बालबालिकालाई प्रविधिसँग थप परिचित गराउनुका साथै उसकाे पढाइ र व्यक्तिगत विकासमा समेत सहयाेग गर्दछ ।
याे वेबसाइटले आफैंलाई ‘गणितको एक मनोरञ्जन पार्क’ भनेर व्याख्या गर्दछ । हुन पनि हाे, यस वेबसाइटमा बालबालिकाले गणितकाे जाेड, घटाउ, भाग र गुणाहरु अनलाइन भिडिओ गेम खेल्दै सिक्न सक्छन् ।
यसमा भएका कार्टुन जस्ता ग्राफिक्सहरुका कारण बालबालिकाहरुले याे वेबसाइटलाई चाँडै मन पराउने छन् । वेबसाइटका अरु सिस्टर वेबसाइटहरु उमेर विशेष बालबालिकाहरुमा केन्द्रित छन् ।
कुलम्याथ फाे किड्स डट कम ३ देखि १२ वर्षका बालबालिकालाई उपयुक्त हुन्छ । त्यस्तै कुलम्याथ १३ वर्षदेखि माथिका बालबालिकालाई उपयुक्त हुन्छ ।
यस वेबसाइटबाट बालबालिकाहरुले जनावरहरु, प्रकृतिका सुन्दर फाेटाे, विभिन्न देश र विज्ञानका विभिन्न कुराहरु थाहा पाउन सक्छन् ।
साथै यहाँ विभिन्न भिडिओ गेम, पजलहरु, खाली ठाउँ भर लगायत अरु धेरै कुराहरु उपलब्ध छन् । जसले बालबालिकालाई सिकाइमा मद्दत गर्दछ ।
याे वेबसाइट सन् २००२ बाट सञ्चालन भइरहेकाे छ । यसमा सिकाइका लागि मद्दत हुने विभिन्न भिडिओ गेम र अरु क्रियाकलापहरु रहेका छन् ।
विशेष गरेर याे वेबसाइटबाट बालबालिककालाई गणित, लेखाइ, पढाइ र सङ्गीत सिकाउन सकिन्छ ।
यस वेबसाइटमा ५ हजारभन्दा धेरै सिकाइमा सहयाेग गर्ने भिडिओ गेमका पृष्ठहरू रहेका छन् ।
यसबाहेक विभिन्न दिवस तथा बिदा विशेष बनाइएका भागहरु छन्, जसमा बालबालिकाले खेल्दै धेरै कुराहरु सिक्न सक्छन् ।
यस वेबसाइटमा भएकाे निकै आकर्षक ग्राफिक्स र भिडिओ गेमहरुका कारण बालबालिका निकै खुसी हुनेछन् । यसमा उनीहरुले गणित, विज्ञान विषयका कुराहरु सिक्न सक्नेछन् ।
साथै याे वेबसाइटले बालबालिकाकाे पढाइ, लेखाइमा समेत निकै मद्दत गर्ने छ ।
यस वेबसाइटमा बालबालिकाहरुका लागि विभिन्न खेल तथा अन्य गतिविधिहरु रहेका छन् । जसमा खेल्दै बालबालिकाहरुकाे रचनात्मकता, सङ्गीत, पजल, संख्या र आकार पहिचान गर्न सिक्नेछन् ।
याे एक ६० वर्षभन्दा पुरानाे पत्रिका हाे । यसले तपाईंका बच्चाहरूका लागि खेल्ने, पढ्ने र सिक्ने वातावरण अनलाइनबाट मिलाइदिने गर्दछ ।
वेबसाइटमा जाेडा मिलाउने खेलहरु, कला सम्बन्धी क्रियाकलापहरु, एनिमेटेड कथाहरु र विज्ञानका कुराहरु बच्चाहरुले रमाइलाे तरिकाले सिक्न सक्नेछन् ।
नामजस्तै यस वेबसाइटले आफ्नाे काम गर्ने गर्दछ । वेबसाइटमा विभिन्न विषयहरुमा बालबालिकाले खेल्ने भिडिओ गेमहरु रहेका छन् ।
हिज्जे, सामाजिक अध्ययन, विज्ञान, कला, साहित्य, टाइपिङ लगायत अन्य विषयहरुमा भिडिओ गेमहरु यसमा उपलब्ध छन् । टेकपाना
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया