कांग्रेस बेलकोटगढी भेटघाटमा गुट अन्त्यको सुझाव

काठमाडौं । नेपाली कांग्रेसका बेलकोटगढीका राजधानीमा रहेका अगुवा कार्यकर्ताहरुको भेटघाट कार्यक्रम  शुक्रबार राजधानीमा सम्पन्न  भएको छ ।

नेपाली कांग्रेस नुवाकोटका जिल्ला सभापति जगदीश्वरनरसिंह केसी ताथ महासमिति सदस्य रमेश महतको उपस्थितमा भएको कार्यकर्ता भेटबाट कार्यक्रममा कांग्रेस बेलकोटगढीमा अगुवाहरुको उपस्थिति रहेको थियो ।

अनौपचारिक रुपमा भएको कार्यक्रमलाई नेताहरुले कार्यकर्ताहरुको चासोका विषयमा सम्बोधन गरेका थिए । कार्यक्रममा अधिकांश कांग्रेस कार्यकर्ताहरुले नुवाकोटमा कांग्रे भित्रको गुटका कारण पार्टी पराजित भएको भन्दै नेताहरलाई त्यस्तो गुट अन्त्य गनृ दवाव दिएका थिए ।

पार्टीको हेरक कार्यक्रममा गुटको गन्ध आउने भन्दै त्यस्तो अवस्था जारी रहेको खण्डमा कांग्रेसले आगामी दिनमा धेरै ठुलो मुल्य चुकाउनुपर्नेमा जोड दिएका थिए ।

कार्यक्रममा जिल्ला सभापति जगदीश्वरनरसिंह केसीले पार्टीमा बढेको गुटबन्धीका कारण आफु समेत चिन्तित भएको भन्दै कांग्रेसलाई बलियो बनाउन सबै एक हुनुपर्नेमा जोड दिनुभयो ।

आगामी दिनमा कांग्रेसलाई बलियो बनाउन कार्यकर्ताहरुको सक्रियाता जरुरी रहेको भन्दै पार्टीमा एक दुई जना मिलेर केही नहुने र सबै मिले जस्तोसकै परिस्थितिको पनि सामाना गर्न सकिनेमा जोड दिनुभयो ।

अर्का नेता तथा महासमिति सदस्य रमेश महतले पनि आगामी दिन सबै मिलेर जानुको विकल्प नभएको भन्दै नेताहरुले कार्यकर्ताको भावना बुझेर अघि बढ्नुपर्नेमा जोड दिनुभयो ।

कांग्रेस महाधिवेशन प्रतिनिधि एसके नेपालले नताहरुबीच बेला बेलामा मिल्ने र फेरि फुट्ने प्रवृत्तिका कारण कार्यता नै अन्योलमा परेको भन्दै साच्चिकै नोतहरु मिलेको भए नुवाकोटका तीन जना शीर्ष नेताहरुलाई एउटै मञ्चमा  राखेर अघि बढ्न जिल्ला सभापतिलाई सुझाव दिनुभयो ।

भेटघाट कार्यक्रममा कांग्रेसका जिल्ला सचिव शिब दाहाल,पूर्व महाधिवेशन प्रतिनिधि बैकुण्ठ पाण्डे,कुमरीका सभापति लेखनाथ मुड्बरी, इन्द्र लामाले मन्तव्य राखेका थिए ।

कार्यक्रममा कांग्रेस युवा नेताहरु जयराम दाहाल,शुकदेव दाहाल,हिरा पाण्डे,सीता मिजार,भवानी देवकोटा लगायतको उपस्थिति रहेको थियो ।