यस्तो छ यसवर्षको दशैँको साइत

काठमाडौं । नेपालीहरुको महानचाड बडा दशैं नजिकिएसँगै दशैको चहलपहल समेत सुरु हुनथालेको छ । दशैको चहल पहल सुरु भएसँगै दशैको साईत समेत सार्वजनिक गरिएको छ ।

नेपाल पञ्चांग निर्णायक समितिले यस वर्षको दशैँका लागि साइत सार्वजनिक गरेको छ ।समितिले सार्वजनिक गरे अनुसार यसवर्ष असोज २४ गते नवरात्र आरम्भ हुने र त्यस दिनबिहान ७ बजेर १५ मिनेटमा घटस्थापनासहित जमरा राख्ने साइत रहको छ ।

यस्तै असोज३० गते मंगलबार फूलपाती भित्र्याइने छ भनेसोही दिन बिहान ९ बजेर २१ मिनेटमातुलजा भवानीको यात्रा गराइन्छ ।

समितिका अध्यक्ष प्राध्यापक रामचन्द्र गौतमले दिनुभएकोजानकारी अनुसार असोज ३१ गते बुधबार महाअष्टमी, कात्तिक १ गते बिहीबार महानवमी,कात्तिक २ गते शुक्रबार विजयादशमी अर्थात् दशैँको टीका परेको छ ।

विजयादशमीका दिनबिहान ९ बजेर ३९ मिनेटमा देवी विसर्जनको साइत निस्किएको छ । यस्तै सोही दिन अर्थात बडा दशैको दिन साइत खोज्नेका लागि बिहान ९ बजेर ५१ मिनेटको समय उत्तम रहेको अध्यक्ष प्रा डा गौतमले बताउनुभयो । विजयादशमीकै दिन बिहान ८.३५ मा तुलजा भवानीको यात्रा गराइन्छ ।

भवानीलाई बिहान ९ बजेर ४४ मिनेटमा स्थिर आसनमा राखिन्छ । कात्तिक ६ गते मंगलबार सबै बलि पूर्ति गरी जमरा सेलाइन्छ । कात्तिक ७ गते बुधबार कोजाग्रत पूर्णिमा व्रत मनाएपछि नेपालीको महान् चाड बडादशैँ समापन हुने समितिले जनाएको छ .