‘क्रान्तिकारी प्रेस संगठन’को संयोजकमा कमल बुढा र सहसंयोजकमा पंगेनी चयन

दुवै संगठनका देशैभरबाट उपस्थित प्रतिनिधिको भेलाले ६५ सदस्यीय राष्ट्रिय सम्मेलन आयोजक समिति गठन गरेको छ । भेलाले पत्रकारको पेसागत सुरक्षाका विषयमा सशक्त आवाज उठाउने तथा नेपाल पत्रकार महासंघले पत्रकार शुद्धीकरणका नाममा पार्टीमा आस्था राखेकै आधारमा महासंघको सदस्यताबाट बञ्चित गर्ने कार्यको भण्डाफोर गर्ने लगायतका समसामयिक प्रस्ताव पारित गरेको संगठनका संयोजक कमल बुढाले जानकारी दिए । नवगठित समितिको बैठक चाँडै बसेर संगठन र सङ्घर्ष सम्बन्धी निर्णय लिइने उनले बताए ।