पर्यटन दिवसका अवसरमा होटलहरुमा २० प्रतिशत छुट

काठमाडौं । विश्व पर्यटन दिवसको अवसरमा पर्यटकहरुलाई आकर्षित गर्ने भन्दै होटल एशोसिएसन अफ नेपाल (हान) ले २० प्रशित छुटको व्यवस्था मिलाएको छ ।

हानले आफ्नासदस्य होटलमा २० प्रतिशत छुट दिने भएको हो । पर्यटन दिवसको अवसरमा विदेशीपाहुनको बसाइ सुखद् बनाउन तथा आतिथ्य सत्कार प्रदान गरी नेपालको प्रवद्र्धन गर्ने उद्देश्यले छुटको व्यवस्था गरिएको हानका महासचिव विनायक शाहले जानकारी दिनुभयो ।

उहाँका अनुसार २० प्रतिशत छुट होटलको खाना र विशेषगरी नेपाली रैथाने खानामा हुनेछ । होटलको कोठा पहिले नै बुकिङ गरेर आउने भएकाले खानामा मात्र छुट गरिएको हो ।

त्रिभुवनअन्तर्राष्ट्रिय विमानस्थलमा रहेको हानको काउन्टरबाट उक्त छुटको कुपन वितरण गरिनेछ । सेप्टेम्बर २७ का दिन पहिलोदेखि अन्तिम उडानमा आउने पर्यटकलाई यो कुपन दिइनेछ ।

सेप्टेम्बार २८ र २९ गतेसम्म यस्तो ‘अफर’ उपयोग गर्न सकिने छ । राजधानी काठमाडौँमात्र नभइ देशभरका होटलमा छुटको व्यवस्था गरिएको हानले जनाएको छ । हानअन्तर्गत देशभर करीब दुई हजार होटल छन् ।

उता पर्यटन दिवसकै अवसर पारेर प्रमुख पर्यटकीय क्षेत्रठमेलमा सडक महोत्सव आयोजना गर्ने तयारी भएको छ । महोत्सवका अवसरमा विशेष छुटको व्यवस्था गरिएको छ ।

ठमेल पर्यटन विकास परिषद्ले दिवसका दिन सडक सांस्कृतिकमहोत्सव गर्ने र रात्रीकालीन सेवामा २० प्रतिशतसम्म छुटको व्यवस्था गरिएको परिषद्का अध्यक्ष समीर गुरुङले जानकारी दिनुभयो ।