मोटर बीमा शुल्कमा लाग्दै आएको छुट आजदेखि हट्यो, यस्तो छ नयाँ व्यवस्था (विज्ञप्ती सहित)

काठमाण्डाैंः कोरोना रोकथाम तथा नियन्त्रणका लागि सरकारले गरेको लकडाउन अवधिको बीमा शुल्क छुट हुने व्यवस्था आजदेखि लागू नहुने भएको छ।

बीमा समितिले लकडाउनका कारण सवारी साधन थन्किएको भन्दै बीमा शुल्कमा छुट दिने व्यवस्था गरेको थियो । असार एक गतेदेखि लकडाउन खुकुलो बनाउने सरकारको निर्णय भएसँगै बीमा कम्पनीले लकडाउन अगाडिकै बीमा शुल्क लिन पाउने भएका छन् ।

यस अवधिमा गरिएको छुट बापतको रकम असार एक गतेपछि भुक्तानी गर्नुपर्ने नियमित बीमा शुल्कमा घटाउने व्यवस्था गरिएको छ ।  बीमा समितिले आइतबार निर्देशन जारी गर्दै यसअघिको छुटको व्यवस्थालाई जेठ मसान्तसम्म मात्रै कायम गरेको जनाएको छ।

विमा समितिका कार्यकारी निर्देशक राजु रमण पाैडेलले आइतबार एक सर्कुलर जारी गरी इजाजतप्राप्त सबै बीमा कम्पनीहरूलाइ यस्तो निर्देशन दिएका हुन् ।