काठमाडौं : नुवाकोट स्थायी घर भएका लोकप्रिय घाँसे दोहोरी गायक दलबहादुर डङ्गोलको निधन भएको छ ।
डंगोलको शुक्रबार साँझ काठमाडौंमा निधन भएको परिवारले जनाएको छ । पारिवारिक सदस्यका अनुसार गायक डंगोलको ८५ वर्षको उमेरमा काठमाडौंस्थित गङ्गालाल अस्पताल बासबारीमा निधन भएको हो ।
हृदयघात भएपछि अस्पताल लगिएका डंगोलको अस्पतालले मृत्यु भएको जानकारी दिएको छ । उनको आजै पशुपति आर्यघाटमा अन्त्यष्टी गर्ने तयारी गरिएको छ ।
गायक डङ्गोलको निधनले लोक गायनको क्षेत्रमा ठूलो क्षति पुगेको लोकसंगीतका जानकारहरूले बताएका छन । डंगोल पछिल्लो समय सामाजिक सञ्जालमा निकै चर्चित थिए । डंगोलका दर्जनौँ गीत भाइरल रहेका छन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया