भाद्र २८, २०८३ आइतबार
September 13, 2026
न्युज डेस्क
२०७७ असार १०, बुधबार
काठमाडौं । दुई अध्यक्षबीच कुरा नमिल्दा स्थायी कमिटी बैठकको एजेण्डासमेत तय हुन नसकेका बेला आजदेखि शुरु नेकपा बैठकको कार्यसूची बैठकको अन्तिम समयमा तय भएको छ ।
सामान्यतः सदस्यहरुलाई बैठकको कार्यसूची पहिले नै जानकारी दिने र केन्द्रीय सचिवालयले प्रतिवेदन पास गरेर अध्यक्षले स्थायी कमिटीमा पेश गर्नुपर्ने हो । तर, दुई अध्यक्षबीचमै सहमति हनु नसकेका कारण यसपटक राजनीतिक, सांगठानिक प्रतिवेदनसमेत तयार भएको छैन ।
नेकपा बैठकको शुरुमै प्रधानमन्त्री तथा अध्यक्ष केपी शर्मा ओली र अर्का अध्यक्ष प्रचण्डले वर्तमान परिस्थितिका बारेमा सम्बोधन गर्ने कार्यसूची तय भएको छ । बैठकमा सरकारको कामको समीक्षा हुनेछ ।
जसमा कोभिड १९ नियन्त्रण, रोकथाम तथा उपचारका सम्बन्धमा सरकारले गरेका कामहरुमाथि सदस्यहरुले धारणा राख्नेछन् । त्यस्तै सिमा समस्या समाधान सम्बन्धमा सरकारले गरेका काम लगायत सरकारका समग्र कामको समीक्षा हुने नेकपाले जनाएको छ ।
त्यस्तै पार्टी एकताका बाँकी कामहरुको बारेमा पनि बैठकमा छलफल हुने र एमसीसीलाई पनि बैठकको एजेण्डामा राखिएको महासचिव बिष्णु पौडेलले बताएका छन ।
नेकपाको यो बैठकमा सरकारको आलोचना र प्रधानमन्त्रीको राजीनामा माग्नेसम्मको तयारी प्रचण्ड र माधव नेपाल पक्षको छ ।
एमसीसीका सन्दर्भमा पनि प्रचण्ड नेपाल पक्ष परिमार्जनविना पारित गर्न नहुने पक्षमा उभिएका छन् ।
बैठक प्रधानमन्त्री निवास बालुवाटारमा आयोजना गरिएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया