नातिको कुटाइबाट हजुरबुबाको मृत्यु

इलाम । पछिल्लो समय मुलुकमा अपराधका घटना बढ्न थालेका छन् । बालबालिकामाथि हुने अपराध जन्य क्रियाकलापका घटनाहरु सेलाउन नपाउँदै इलामको दक्षिणीमाई नगरपालिकामा नातिको कुटपिटका कारण हजुरबुबाको मृत्यु भएको छ ।

उक्त नगरपालिका–५ बस्ने नाति सञ्जय राईले शुक्रबार राति करीब ९ बजे घरायसी झगडामा बियरको बोतल प्रहार गर्दा ६५ वर्षीय हजुरबुबा देउमान नेम्वाङको घटनास्थलमै मृत्यु भएकोे जिल्ला प्रहरी कार्यालयले जनाएको छ ।

प्रहरीले कुटपिटमा संलग्न राईलाई नियन्त्रणमा लिई घटनाबारे अनुसन्धान गरिरहेको जनाएको छ ।