प्रजातान्त्रिक आन्दोलनका योद्धा तुलाधरको निधन

काठमाडौं । नेपालको लोकतान्त्रिक आन्दोलनका हस्ती पद्मरत्न तुलाधरको आइतबार निधन भएको छ । स्वास्थ्य उपचारका लागि राजधानीको नर्भिक अस्पतालमा उपचारत तुलाधरको आइतबार दिउसो निधन भएको थियो ।

नेपालको राजनीतिक इतिहासमा लामो समयदेखि योगदान पु¥याउनु भएको तुलाधरको निधनले नेपाली राजनीतिक इतिहासमा नै अपुरणीय क्षति पु¥याएको छ ।

उहाको निधनप्रति राष्ट्रपति,उपराष्ट्रपति प्रधानमन्त्री लगायतका राजनीतिक व्यक्तित्वहरुले तुलाधरको निधनप्रति दुःख व्यक्त गर्नुभएको छ । प्रधानमन्त्री केपी शर्मा ओलीले वरिष्ठ वामपन्थी नेता पद्मरत्न तुलाधरले मुलुकका लागि पु¥याउनुभएको योगदान सदा स्मरणीय रहने बताउनुभएको छ ।

प्रधानमन्त्रीले सामाजिक सञ्जाल ट्वीटरमा ट्वीट गर्दै तुलाधरको निधन भएको खबर सुन्दा आफूलाई अत्यन्तै दुःख लागेको बताउनुभयो । प्रधानमन्त्रीले दिवङ्गत तुलाधरप्रति श्रद्धाञ्जलि अर्पण गर्दै परिवार र आफन्तजनमा समवेदनासमेत व्यक्त गर्नुभएको छ ।

मानवाधिकारवादी, लेखक तथा वरिष्ठ वामपन्थी नेता तुलाधरको अपराह्न ७८ वर्षका उमेरमा निधन भएको हो । कांग्रेस सभापति शेरबहादुर देउवाले पनि तुलाधरको निधनप्रति दुःख व्यक्त गर्नुभएको छ ।