वन्यजन्तुको छालासहित दुई पक्राउ

काठमाडौँ, संरक्षित वन्यजन्तुको छालासहित प्रहरीले दुई जनालाई पक्राउ गरेको छ । नेपाल प्रहरीको केन्द्रीय अनुसन्धान ब्यूरो (सिआइबी)ले पक्राउ गरेका रुकुम आठबीसकोट नगरपालिका–५ का २३ वर्षीय विकास बस्नेत र सल्यान बाघचौर नपरपालिका–८ का २२ वर्षीय शेरबहादुर डिसी रहेका छन् ।

उनीहरुलाई थप कारवाहीका लागि बिहीबार डिभिजन वन कार्यालय काठमाडाँमा बुझाइएको ब्यूरोका प्रवक्ता सुदीप गिरीले जानकारी दिनुभयो ।

वन्यजन्ुतको आखेटोपहार खरीद बिक्री तथा ओसारपसार हुँदै गरेको भन्ने सूचनाको आधारमा ब्यूरोबाट खटिएको टोलीले काठमाडौँ महानगरपालिका–२६ स्थित मित्रनगरबाट बुधबार उनीहरुलाई पक्राउ गरेको थियो ।

बरामद गरिएको छाला चितुवा प्रजातिको जस्तो देखिए पनि यकिन नभएको बताइएको छ ।