कार्तिक ४, २०८३ बुधबार
October 21, 2026
युग खबर
२०७७ श्रावण ५, सोमबार
काठमाण्डाैंः कर्णाली प्रदेश सरकारले प्रदेशमा समायोजन भई आएका कर्मचारीको वैयत्तिक विवरण अद्यावधिक गर्ने तयारी थालेको छ ।
कर्णाली प्रदेश सरकारका मुख्यमन्त्री महेन्द्रबहादुर शाहीको अध्यक्षतामा सोमबार बसेको मन्त्रिपरिषद् बैठकले प्रदेशमा समायोजन भइ आएका कर्मचारीको वैयक्तिक विवरण अद्यावधिकका लागि सो विवरण उपलब्ध गराइदिन नेपाल सरकारसँग अनुरोध गर्ने निर्णय गरेको हो ।
त्यस्तै मन्त्रालयबाट मन्त्रिपरिषद्मा पेश हुने कानूनी विषय जोडिएका दस्तावेजलाई कानूनीरुपले परिपक्व बनाउने सम्बन्धमा मन्त्रालयले मन्त्रिपरिषद्मा पेश हुने कानूनी दस्तावेज र प्रस्ताव (कानूनी विषय जोडिएका) तयार गर्दा मुख्यमन्त्री तथा मन्त्रिपरिषद्को कार्यालयका कानून सचिवलाईसमेत अनिवार्यरुपमा सहभागी गराउने निर्णय भएको प्रवक्ता केसीले बताए ।
उनका अनुसार मन्त्रिपरिषद्को उक्त बैठकले कर्णाली प्रदेश विशेष अनुदानसम्बन्धी कार्यविधि, २०७५ को तेस्रो सशोधन स्वीकृत गर्ने, कर्णाली प्रदेश आन्तरिक लेखापरीक्षण निर्देशिका, २०७७ र कर्णाली प्रदेश जिन्सी मालसामान लिलाम बिक्री निर्देशिका, २०७७ स्वीकृत गर्ने निर्णय गरेको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया