माघ ६, २०८२ मंगलबार
January 20, 2026
युग खबर
२०८२ माघ ६, मंगलबार
काठमाडौँ । नेपाली कांग्रेसले काठमाडौँ क्षेत्र नम्बर ७ बाट प्रतिनिधिसभा सदस्यका लागि प्रमोदहरी गुरागाँईलाई उम्मेदवार बनाएको छ।
हालै सम्पन्न कांग्रेसको विशेष महाधिवेशनबाट केन्द्रीय सदस्यमा निर्वाचित गुरागाँई पार्टीका उदीयमान युवा नेताका रूपमा परिचित छन्। उनी नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानका सदस्यसमेत हुन्।
यसअघि २०७९ सालको प्रतिनिधिसभा निर्वाचनमा पनि कांग्रेसले काठमाडौँ–७ बाट गुरागाँईलाई उम्मेदवारका रूपमा सिफारिस गरेको थियो।
यसपटक कांग्रेसले काठमाडौँ क्षेत्र नम्बर ७ मा एक्लै उम्मेदवारी दिने निर्णय गरेको छ। अघिल्लो निर्वाचनमा कांग्रेसले यस क्षेत्रमा राप्रपालाई समर्थन गरेको थियो।
काठमाडौँ–७ मा अन्य दलका उम्मेदवारहरू पनि सार्वजनिक भएका छन्। नेकपा एमालेबाट प्रकाश श्रेष्ठ उम्मेदवार बनेका छन् भने राष्ट्रिय स्वतन्त्र पार्टी (रास्वपा) ले गणेश पराजुलीलाई उम्मेदवार बनाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया