सीके राउत नेतृत्वको जनमतले सरकारसमक्ष राख्यो ११ बुँदे माग

काठमाडौं । डा. सीके राउत नेतृत्वको जनमत पार्टीले प्रधानमन्त्री बालेन शाहलाई ११ बुँदे ज्ञापन पत्र बुझाएको छ। पार्टीले काठमाडौंको माइतीघर मण्डलमा प्रदर्शन गरेपछि सिंहदरबारस्थित प्रधानमन्त्री तथा मन्त्रिपरिषद्को कार्यालय पुगेर आफ्नो मागपत्र पेश गरेको हो।

जनमत पार्टीले तराई–मधेशका जनताको अधिकार, प्रतिनिधित्व र विकाससँग सम्बन्धित विषयहरूलाई प्राथमिकताका साथ सम्बोधन गर्न सरकारको ध्यानाकर्षण गराएको छ। पार्टीले विगतमा सरकारसँग भएका विभिन्न सम्झौता तथा सहमतिहरू कार्यान्वयन गर्न माग गर्दै संघीयता कार्यान्वयनलाई थप प्रभावकारी बनाउनुपर्ने आवश्यकता औँल्याएको छ।

ज्ञापनपत्रमा नेपाली सेनासहित सबै सुरक्षा निकायमा समावेशी प्रतिनिधित्व सुनिश्चित गर्नुपर्ने, प्रदेशलाई संविधानको मर्मअनुसार पूर्ण स्वायत्तता प्रदान गर्नुपर्ने तथा प्रहरी प्रशासनलाई प्रदेश सरकार मातहत सञ्चालन गर्ने व्यवस्था गर्नुपर्ने माग गरिएको छ। त्यस्तै, निर्वाचन क्षेत्र पुनःनिर्धारण, प्रदेश सीमाङ्कनमा देखिएका विवाद तथा असन्तुष्टिहरू समाधान गर्न आवश्यक सुधार गर्नुपर्ने विषय पनि उठाइएको छ।

जनमत पार्टीले संघीय लोकतान्त्रिक व्यवस्थालाई व्यवहारमा प्रभावकारी बनाउन, मधेश तथा अन्य क्षेत्रका नागरिकका राजनीतिक, सामाजिक र आर्थिक अधिकार सुनिश्चित गर्न तथा राज्यका सबै निकायमा समान सहभागिता कायम गर्न सरकारसँग आग्रह गरेको छ।

यी हुन् ११ बुँदे मागहरुः