असार १८, २०८३ बिहिबार
July 2, 2026
युग खबर
२०८३ असार १८, बिहिबार
कञ्चनपुर। कञ्चनपुरका पत्रकार खेम भण्डारी अदालतको फैसला कार्यान्वयनका क्रममा पक्राउ परेका छन्। जिल्ला प्रहरी कार्यालय कञ्चनपुरको टोलीले उनलाई आज बिहान करिब ७ बजे भीमदत्त नगरपालिका–१८ स्थित निवासबाट पक्राउ गरेको हो।
जिल्ला प्रहरी कार्यालय कञ्चनपुरका अनुसार जिल्ला अदालत कञ्चनपुरले २०८२ साल चैतमा गालीगलौजसम्बन्धी मुद्दामा भण्डारीलाई १ वर्ष ७ दिन कैद तथा १२ हजार १ सय रुपैयाँ जरिवाना हुने फैसला सुनाएको थियो।
उक्त फैसलापछि उनी कानुनी प्रक्रियाअनुसार कैद सजाय भुक्तानका लागि उपस्थित नभएकाले अदालतको फैसला कार्यान्वयन गर्ने क्रममा पक्राउ गरिएको प्रहरीले जनाएको छ।
प्रहरीले पक्राउपछि आवश्यक कानुनी प्रक्रिया पूरा गरी उनलाई अदालतको आदेशबमोजिम कैद सजाय कार्यान्वयनका लागि सम्बन्धित निकायमा बुझाउने तयारी गरेको जनाएको छ।
जिल्ला प्रहरी कार्यालयका अनुसार यो पक्राउ नयाँ मुद्दामा नभई जिल्ला अदालत कञ्चनपुरबाट यसअघि भएको फैसलाको कार्यान्वयनका लागि गरिएको हो।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया