चन्द्रागिरिमा एक युवकको बेवारिसे शव फेला

काठमाण्डौः चन्द्रागिरी नगरपालिका त्रिभूवनपार्क स्थित ४ र ७ नम्बर वडाको बीच भागमा रहेको खोलामा एक युवाको शव फेला परेको छ ।

महानगरीय प्रहरी बृत्त थानकोटका डिएसपी कुमारविक्रम थापाका अनुसार अन्दाजी ३५ बर्षको पुरुष ब्यक्तिको शव खोलाको पानीमा मृत अवस्थामा बुधबार फेला परेको बताएका छन् ।

प्रहरीका अनुसार गहुँगोरो बर्णको ५ फिट १ इन्च उचाई भएको नामथर, वतन नखुलेको कालो जिन्स पाईन्ट लगाएको व्यक्तिको शव फेला परेको हो । उक्त  शव कसको हो भने बारे पुष्टि हुन सकेको छैन ।

मंगोलियन चेहेरा भएको व्यक्तिको शव फेला परेको र शव कसको हो भने पुष्टि नभएको बताएकाे ।

थानकोट प्रहरीले कोहि कसैले यो हुलियाँ थाहा पाए सम्बन्धित व्यक्तिहरुलाई थानकोट प्रहरीमा खबर गर्न समेत अनुरोध गरेको छ ।