भाद्र ३१, २०८३ बुधबार
September 16, 2026
युग खबर
२०८३ भाद्र ३१, बुधबार
काठमाडौँ । राष्ट्रपति रामचन्द्र पौडेलले संघीय संसद्को बैठकबाट पारित भई प्रमाणीकरणका लागि पेस भएको ‘नेपाल विशेष सेवा ऐन, २०४२ को साविकको व्यवस्था जगाउने सम्बन्धी विधेयक, २०८३’ प्रमाणीकरण गर्नुभएको छ।
राष्ट्रपति कार्यालयले बुधबार जारी गरेको विज्ञप्तिअनुसार नेपालको संविधानको धारा ११३ को उपधारा (२) बमोजिम राष्ट्रपतिले उक्त विधेयक प्रमाणीकरण गर्नुभएको हो। राष्ट्रपति कार्यालयका प्रवक्ता ऋतेशकुमार शाक्यद्वारा जारी विज्ञप्तिमा विधेयक प्रमाणीकरण भएको जानकारी दिइएको छ।
उक्त विधेयक संघीय संसद्का दुवै सदनबाट पारित भएपछि प्रमाणीकरणका लागि राष्ट्रपतिसमक्ष पेस गरिएको थियो। राष्ट्रपतिबाट प्रमाणीकरण भएसँगै विधेयकले कानुनी प्रक्रियामा अर्को महत्वपूर्ण चरण पूरा गरेको छ।
राष्ट्रपति कार्यालयका अनुसार विधेयक २०८३ भदौ ३१ गते बुधबार प्रमाणीकरण गरिएको हो। प्रमाणीकरणसम्बन्धी जानकारी राष्ट्रपति कार्यालयले औपचारिक विज्ञप्तिमार्फत सार्वजनिक गरेको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया