कांग्रेस महाधिवेशनको मतदान : दुई घण्टामा १ हजार २९३ मत खस्यो

काठमाडौं । नेपाली कांग्रेसको नयाँ नेतृत्व चयनका लागि जारी मतदानमा सुरुवाती दुई घण्टामा १ हजार २९३ मत खसेको छ। बिहान ८ः३० बजेदेखि १०ः३० बजेसम्मको तथ्यांकअनुसार देशका विभिन्न प्रदेशबाट उक्त संख्यामा मतदान भएको हो।

क्षेत्रगत विवरणअनुसार कोशी प्रदेशबाट २२२, सुदूरपश्चिम र कर्णाली प्रदेशबाट संयुक्त रूपमा २५७, लुम्बिनी प्रदेशबाट २०२, गण्डकी प्रदेशबाट १८८ र बागमती प्रदेशबाट २१७ मत खसेको छ।

मतदानको सुरुवाती दुई घण्टामा प्राप्त विवरणअनुसार महाधिवेशन प्रतिनिधिहरूले नयाँ नेतृत्व चयनका लागि आफ्नो मताधिकार प्रयोग गरिरहेका छन्। मतदान प्रक्रिया शान्तिपूर्ण र निर्वाध रूपमा अघि बढिरहेको जनाइएको छ।

नेपाली कांग्रेसको नयाँ केन्द्रीय कार्यसमिति चयनका लागि भइरहेको मतदानमा सभापतिसहित विभिन्न पदाधिकारी तथा केन्द्रीय सदस्य पदका उम्मेदवारहरू प्रतिस्पर्धामा छन्। महाधिवेशन प्रतिनिधिहरूले पार्टीको आगामी नेतृत्व चयन गर्न मतदानमा सहभागिता जनाइरहेका छन्।

मतदानबाट चयन हुने नयाँ नेतृत्वले पार्टीको भावी कार्यदिशा, संगठन सुदृढीकरण र आगामी राजनीतिक रणनीति तय गर्ने भएकाले यस महाधिवेशनलाई महत्त्वका साथ हेरिएको छ।