पूर्वसभामुख महरा नर्विक अस्पताल भर्ना

काठमाण्डौः निवर्तमान सभामुख कृष्णबहादुर महरा अस्पताल भर्ना भएका छन् ।

संसद सचिवालयकी कर्मचारी बलात्कारको आरोपमा आईतबारेदेखी प्रहरी हिरासतमा रहेका महराको स्वास्थ्यमा स्वासप्रश्वास समस्या बढेपछि उपचारका लागि उनलाई थापाथलीस्थित नर्भिक अस्पतालमा भर्ना गरिएको हो ।

महानगरीय प्रहरी वृत्त सिंहदरबारको हिरासतमा रहेका महरालाई बिहीबार जिल्ला सरकारी वकिल कार्यालय काठमाण्डौमा बयानको लागी लगिएको थियो ।

बयान नसकिदै उनलाइ उपचारका लागि थापाथलीस्थित नर्भिक अस्पताल लगिएको हो । बिहीबार मध्यान्ह १२ बजे भर्ना भएका उनको स्वास्थ्य चेक जाँचको पूरा रिपोर्ट नआएसम्म के भएको भन्न नमिल्ने उपचारमा संलग्न चिकित्सकले बताएका छन् ।

सिंहदरबार वृतको हिरासतमा राखिएका महराको यसअघि शिक्षण अस्पतालमा स्वास्थ्य परिक्षण गरिएको थियो । प्रहरी हिरासतमै उनलाई अक्सिजन दिइएको थियो ।

दशैं बिदाका कारण अदालत बन्द हुँदा उनको अदालती प्रकृया शुरू हुन पाएको छैन । उनलाई असोज २८ गते अदालत खुलेपछि मात्र मुद्धा अदालती प्रकृया शुरू हुने बताइएको छ ।