जेठ २३, २०८३ शनिबार
June 6, 2026
न्युज डेस्क
२०७६ कार्तिक १९, मंगलबार
काठमाडौं । नव नियुक्त सातै प्रदेश प्रमुखले शपथग्रहण गरेका छन्।
राष्ट्रपति विद्यादेवी भण्डारीले मंगलबार बिहान राष्ट्रपति कार्यालयमा सातै प्रदेशका प्रमुख (गभर्नर) लाई शपथ ग्रहण गराएकी हुन्।
मन्त्रिपरिषद्को सिफारिसमा सोमबार राष्ट्रपति भण्डारीले सोमनाथ अधिकारी प्यासीलाई प्रदेश १, तिलक परियारलाई प्रदेश २, विष्णु प्रसाईंलाई प्रदेश ३, अमिक शेरचनलाई गण्डकी प्रदेश, धर्मनाथ यादवलाई प्रदेश ५, गोविन्द्र कलौनीलाई कर्णाली प्रदेश र शर्मिला त्रिपाठीलाई प्रदेश ७ नियुक्त गरेकी थिइन्।
सोमबार बसेको मन्त्रिपरिषदको बैठकले सातै प्रदेशका लागि प्रदेश प्रमुख सिफारिस गरेको थियो। सत्तारुढ दल नेकपाको सचिवालय बैठकले सिफारिस गरेका सात जनालाई नै सरकारले अनुमेदन गरेको हो।
सपथग्रहणपछि आजै प्रदेश प्रमुखहरु आआफ्नो जिम्मेवारी सम्हाल्न सम्बन्धित प्रदेशमा जानेछन्।
‘शपथग्रहणपछि आजै पदभार सम्हाल्न पोखरा जान्छु,’ गण्डकी प्रदेशका प्रमुख अमिक शेरचनले भने।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया