मंग्सिर ५, २०८३ शनिबार November 21, 2026

सन्दीपले टि२० ब्लास्ट गुमाउने लगभग निश्चित

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः  नेपाली लेगस्पिनर सन्दीप लामिछानेले इंग्ल्यान्ड तथा वेल्स क्रिकेट बोर्डले आयोजना अर्को सातादेखि सुरु हुने टि २० ब्लास्ट गुमाउने भएका छन् ।

सन्दीप टि२० ब्लास्टमा पहिलो पटक वोर्सेस्टरशायरबाट खेल्ने तयारी गरि रहेका थिए । तर नेपालमा दोस्रो चरणको कोरोना महामारीको कारण अन्तर्राष्ट्रिय उडानमा रोक र भिषा आउन ढिलाईको कारण टि२० ब्लास्ट गुमाउने लगभग निश्चित जस्तै भएको सन्दीपका मेनेजर रमण शिवाकोटीले जानकारी दिएका छन् ।

टि२० ब्लास्ट जुन ९ देखि सेप्टेम्बर १८ सम्म चल्ने कार्यक्रम छ। तर नेपालमा दोस्रो लहरको कोरोना महामारीको कारण सरकारले अन्तर्राष्ट्रिय उडानमा रोक लगाएको छ । ठूलो प्रयास र प्रतीक्षापछि शुक्रबार भिषा आएपनि धेरै ढिलो भई सकेको छ । १४ दिन क्वारेनटाइनमा बस्दा सन्दीपले आधा भन्दा बढी खेल गुमाउने छन् । वोर्सेस्टरशायरले सन्दीपको स्थानमा अर्को खेलाडी ल्याउने तयारी गरि रहेको बुझिएको छ ।

‘भिषा हिजोनै (शुक्रबार) आएको हो । तर जान धेरै ढिलाइनै भईसक्यो । टि२० ब्लास्ट पुरैनै छुट्ला जस्तोनै भयो । उताबाट पनि अव लगभग पुरै छुट्नी तरिकाले कुरा गरि रहेको छ’, शिवाकोटीले हाम्रो खेलकुदसँग भने ।

‘पाँच छ खेल छुट्ने भएपछि उनिहरुले अर्को खेलाडीलाई राख्छ नै । पर्खने कुरा पनि हुँदैन’, उनले भने, ‘भिसा पनि उताबाट सिधैं कुरा गरेर झिकाएको हो । टि२० ब्लास्ट छुटेपनि द हन्ड्रेड खेल्न जाने तयारी हुने छ ।’

नेपाल सरकारले अन्तर्राष्ट्रिय उडानमा लगाएको रोक अझै खुलाएको छैन । जसले सन्दीपलाई झनै समस्या परेको छ । सन्दीपले द हन्ड्रेड प्रतियोगिता ओभल इन्भीनसिभल्सबाट खेल्ने छन् । द हन्ड्रेड प्रतियोगिता जुलाई २१ देखि सुरु हुने छ । उक्त प्रतियोगिता जुलाईमा हुने हुँदा त्यो समय सम्म उडान रोक खुल्ने पनि सम्भावना छ ।

सन्दीपले टि२० ब्लास्ट गुमाउने भएपछि शुक्रबार ट्विटरमा एक पोष्ट गरेका छन् । ‘अब धेरै ढिलो’ ट्विटरमा लेखेका छन् । सन्दीपले टि२० ब्लास्ट खेल्न ढिलो हुँदा छुट्ने डर हुँदा समयमानै भिसा दिन आग्रह गर्दै आएका थिए । (हाम्रो खेलकुद)

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
दर्शकदीर्घाको उत्साहपूर्ण साथबीच एनपिएल सम्पन्न
२०८३ मंग्सिर ५, शनिबार
परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता
२०८३ मंग्सिर ५, शनिबार
देश समृद्ध बनाउँदै भ्रष्टाचार अन्त्य गर्ने अभियानमा छु : सभामुख अर्याल
२०८३ मंग्सिर ५, शनिबार
प्रधानमन्त्री शाह आइतबार भारतको राजकीय भ्रमणमा जानुहुँदै
२०८३ मंग्सिर ५, शनिबार
दलको झोला बोक्ने र नेताको चाकडी गर्ने कर्मचारीमाथि कडा कारबाही हुन्छ : गृहमन्त्री गुरुङ
२०८३ मंग्सिर ५, शनिबार
हरेदी दलसँग गठबन्धन बन्ने अभिग्डोर लिबरम्यानको विश्वास
२०८३ मंग्सिर ५, शनिबार
राष्ट्रपति पौडेलसँग जापानका उपमन्त्रीको शिष्टाचार भेटवार्ता
२०८३ मंग्सिर ५, शनिबार