काठमाडौँ । राष्ट्रपति रामचन्द्र पौडेलसँग जापानका परराष्ट्र मामिलासम्बन्धी संसदीय उपमन्त्री फुजी काजुहिरोले शनिबार राष्ट्रपतिको कार्यालय शीतलनिवासमा शिष्टाचार भेट गरेका छन्।
राष्ट्रपति कार्यालयका प्रवक्ता श्यामप्रसाद भण्डारीका अनुसार भेटका क्रममा नेपाल र जापानबीच लामो समयदेखि रहिआएको द्विपक्षीय सम्बन्ध, आपसी हित तथा साझा चासोका विषयमा कुराकानी भएको थियो। राष्ट्रपति कार्यालयले मंसिर ५ गते जारी गरेको विज्ञप्तिमा भेटवार्ताबारे जानकारी दिएको हो।
यसैक्रममा जापानी उपमन्त्री फुजीले परराष्ट्रमन्त्री शिशिर खनालसँग पनि भेटवार्ता गरेका छन्। परराष्ट्र मन्त्रालयमा भएको भेटमा नेपाल–जापानबीचको द्विपक्षीय सम्बन्ध र सहकार्यलाई थप सुदृढ बनाउने विषयमा विचार आदानप्रदान भएको मन्त्रालयले जनाएको छ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया