मंग्सिर ४, २०८३ शुक्रबार November 20, 2026

हाइटीका राष्ट्रपति मोइजको हत्या

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः हाइटीका राष्ट्रपति जोभेनल मोइजको हत्या गरिएको छ । हाइटीको राजधानीस्थित आफ्नै निबासमा बसिरहँदा राष्ट्रपतिमाथि आक्रमण गरिएको थियो ।

बीबीसीका अनुसार हाइटीका अन्तरिम प्रधानमन्त्री क्लाउड जोसेफले पोर्ट औ प्रिन्सस्थित राष्ट्रपति निबासमा अज्ञात बन्दूकधारी समूहले स्थानीय समयअनुसार अपरान्ह एक बजे आक्रमण गरेको बताउनुभएको छ । प्रथम महिला मार्टिने मोइज समेत आक्रमणमा घाइते हुनुभएको छ ।

प्रधानमन्त्री जोसेफले घटनाको निन्दा गर्दै सर्वसधारणलाई धैर्यता राख्न आग्रह गर्नुभएको छ । ५३ वर्षीय जोभेनल मोइज सन् २०१७ को फेब्रुअरीदेखि सत्तामा हुनुहुन्थ्यो । मिकेल मार्टेली राजिनामा गरेपछि उहाँ राष्ट्रपति हुनुभएको थियो । राष्ट्रपतिको रुपमा सत्ता सम्हालेपछि उहाँमाथि भ्रष्टाचारको आरोप लागेको थियो । परिणामस्वरुप उहाँले सरकार बिरोधी प्रदर्शनको सामना गर्नुपरेको थियो । यसै वर्षको सुरुवातमा राजधानीसहित प्रमुख शहरहरुमा उहाँको राजिनामा माँग गर्दै सर्वसाधारणले प्रदर्शन गरेका थिए ।

हाइटीका प्रमुख प्रतिपक्षी दलले पाँच वर्षे कार्यकाल फेब्रुअरीमै सकिएकोले राष्ट्रपति मोइजले फेब्रुअरी २०२१ मै राजिनामा गरिसक्नुपर्ने भन्दै दबाब दिदै आएको थियो । तर राष्ट्रपति मोइजले भने आफू फेब्रुअरी २०१७ मा मात्रै कार्यकाल सम्हालेकोले अझै एक वर्ष कार्यकाल बाँकी रहेको तर्क गर्दै आउनुभएको थियो ।

राजनीतिक अस्थिरता, तानाशाही शासन र प्राकृतिक विपदले हाइटी अमेरिकी महादेशको एक अत्यन्तै विपन्न राष्ट्रको रुपमा चित्रित हुँदै आएको छ । सन् २०१० को भूकम्पमा हाइटीमा कम्तिमा दुई लाखभन्दा बढी ब्यक्तिले ज्यान गुमाएका थिए । भूकम्पले हाइटीको अर्थ ब्यवस्था र पूर्बाधार नराम्ररी ध्वस्त भएको थियो ।

हाइटीमा शान्ती स्थापनार्थ संयुक्त राष्ट्र संघको शान्ती मिसन सन् २००४ मा सुरु भएको थियो ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
‘शिक्षा सुधारमा स्थानीय तह र समुदायको भूमिका महत्त्वपूर्ण हुन्छ’ : प्रथम राष्ट्रपति यादव
२०८३ मंग्सिर ४, शुक्रबार
आधारभूत तहका प्रहरी कर्मचारीका लागि केन्द्रीय गुनासो व्यवस्थापन डेस्क स्थापना
२०८३ मंग्सिर ४, शुक्रबार
वैशाखमा स्थानीय र मंसिरमा प्रदेशसभा निर्वाचन गर्ने आयोगको प्रस्ताव
२०८३ मंग्सिर ४, शुक्रबार
डिजिटल सुरक्षा र साक्षरता अभिवृद्धि सरकारको प्राथमिकतामाः सञ्चारमन्त्री डा तिमिल्सिना
२०८३ मंग्सिर ४, शुक्रबार
भारत भ्रमण स्वीकृत गर्दै मन्त्रिपरिषद् बैठकले गर्यो सात महत्त्वपूर्ण निर्णय
२०८३ मंग्सिर ४, शुक्रबार
जुवातास खेलिरहेको अवस्थामा २५ जना पक्राउ
२०८३ मंग्सिर ४, शुक्रबार
नेपाल-नर्वे जलवायु सहकार्य सुदृढ बनाउनबारे छलफल
२०८३ मंग्सिर ४, शुक्रबार