मंग्सिर ५, २०८३ शनिबार November 21, 2026

आइसिसी विश्वकप क्रिकेट लिग- नेपाल ओमानसँग पराजित

शेयर गर्नुहोस:
फन्ट परिवर्तन गर्नुहोस: अ अ अ

काठमाडौंः आइसिसी विश्वकप क्रिकेट लिग–२ त्रिकोणात्मक श्रङ्खलाअन्तर्गत नेपाल ओमानसँग पराजित भएको छ । ओमानको अल अमिरात क्रिकेट मैदानमा मंगलबार भएको खेलमा नेपाल ५ विकेटले पराजित भएको हो ।

नेपालले प्रस्तुत गरेको १ सय ९७ रनको सामान्य विजयी लक्ष्य पछ्याएको ओमानले आक्रमक सुरुवात गर्दै ३१.१ ओभरमा ५ विकेट गुमाउँदै पुरा गरेको हो । ओमानका लागि जतिन्दर सिंहले विष्फोटक शतक प्रहार गरे । ६२ बल खेल्दै उनले १०७ रन जोडेका हुन् ।  जतिन्दरको यो ओडिआई करिअरको पहिलो शतक हो । त्यस्तै, आयान खान १८ रनमा क्याच आउट हुँदा सुरज कुमारले २० रन जोडे । साथै, मोहम्मद नादीमले अविजित रहँदै ३८ रन बनाए ।

बलिङमा नेपालका कुशल मल्ल र करण केसीले समान २/२ विकेट लिए भने शुसान्त भारीको नाममा १ विकेट रह्यो । सन्दिप लामिछाने घाइते भएका कारण आज उनले बलिङ गरेका थिएनन् । जसको असर आजको खेलमा पनि देखियो ।

त्यसअघि टस जित्दै ब्याटिङ रोजेको नेपालले ४७.४ ओभरमा अलआउट हुँदै १९६ रन बनाएको थियो । नेपालका लागि ओपनर आशिफ शेखले सर्वाधिक ९० रन जोडे । अर्का ओपनर कुशल भुर्तेल शून्यमै आउट भए । कप्तान ज्ञानेन्द्र मल्लले २१, रोहित पौडेलले २०, विनोद भण्डारीले ६, सोमपाल कामीले ७, कुशल मल्लले ४ र विक्रम शोवले २ रन बनाए । करन केसीले २१, सन्दिप लामिछानेले १६ र सुशन भारीले २ रन जोडे ।

ओमानका लागि बिलाल खानले सर्वाधिक ४ विकेट लिए । नेस्टोर धब्बाले २ र मोहम्मद नदिम र जेसमले १/१ विकेट लिए ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता
२०८३ मंग्सिर ५, शनिबार
देश समृद्ध बनाउँदै भ्रष्टाचार अन्त्य गर्ने अभियानमा छु : सभामुख अर्याल
२०८३ मंग्सिर ५, शनिबार
प्रधानमन्त्री शाह आइतबार भारतको राजकीय भ्रमणमा जानुहुँदै
२०८३ मंग्सिर ५, शनिबार
दलको झोला बोक्ने र नेताको चाकडी गर्ने कर्मचारीमाथि कडा कारबाही हुन्छ : गृहमन्त्री गुरुङ
२०८३ मंग्सिर ५, शनिबार
हरेदी दलसँग गठबन्धन बन्ने अभिग्डोर लिबरम्यानको विश्वास
२०८३ मंग्सिर ५, शनिबार
राष्ट्रपति पौडेलसँग जापानका उपमन्त्रीको शिष्टाचार भेटवार्ता
२०८३ मंग्सिर ५, शनिबार
चुनावमा सामाजिक सञ्जाल र सूचना प्रविधिको प्रयोगलाई बढाउनुपर्छः संयोजक दाहाल
२०८३ मंग्सिर ५, शनिबार