मंग्सिर २, २०८३ बुधबार November 18, 2026

शान्ति पदयात्रामा सहभागी २७ जनाको अपहरण

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । पश्चिमी अफगानिस्तानको शान्ति पदयात्रामा सहभागी २७ जनालाई तालिवान लडाकुहरुले अपहरण गरेका छन् । पिपुल्स पिस मुभमेन्टले शान्ति र युद्धविरामको माग गर्दै करिब दुई साता अगाडिदेखि हेरात प्रान्तबाट आफ्नो यात्रा सुरु गरेको थियो । तर फराह प्रान्त प्रवेशपछि उनीहरुको अत्तोपत्तो नरहेको बीबीसीले जनाएको छ ।
फाराह प्रान्तका डेपुटी गभर्नर मसूद बख्तावरले ६ वटा कारमा रहेका उनीहरुलाई तालिवान लडाकुहरुले एक मुख्य सडकमा रोकेका थिए । त्यसपछि उनीहरुलाई अज्ञात स्थलतर्फ लगेर गए । उनीहरु तालिवान समूहको अपहरणमा परेको भनिए पनि तालिवान वा अन्य कुनै संगठनले यसको जिम्मा लिएको छैन ।
एकातिर अफगानिस्तानमा अमेरिकाले शान्ति स्थापनाका लागि तालिवानसँग वार्ता जारी राखेको छ भने अर्कोतिर अफगानी र अन्तर्राष्ट्रिय सैन्य बलमाथि आक्रमणका घटना पनि सार्वजनिक भइरहेका छन् ।

एक स्टेडियममा कार बम बिष्फोट हुँदा १७ जनाको मृत्यु र ५० जनाभन्दा बढी घाइते भएपछि हेलमण्ड प्रान्तबाट यो शान्ति पदयात्रा सुरु गरिएको थियो । त्यस बेलादेखि यो शान्ति समूहले अफगानिस्तानको अलग-अलग स्थानबाट यात्रा गर्दै आएको छ । यो समूहले तालिवानको कब्जामा रहेको क्षेत्रमा समेत पदयात्रा गरेको छ ।

यो शान्ति पदयात्रामा निस्किएकाहरुलाई अफगानिस्तान सरकारले आर्थिक सहयोग गरेको आरोप तालिवानले लगाउँदै आएको छ । यद्यपि पदयात्रीहरुले यस्तो आरोपलाई इन्कार गर्दै आएका छन् ।

अफगानिस्तानमा सन् २००१ देखि जारी युद्धमा हालसम्म तीन हजारभन्दा बढी अन्तर्राष्ट्रिय सैन्यकर्मी र दशौं हजार अफगान नागरिक मारिइसकेका छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तातोपानी नाका तत्काल खुलाउन चीनसँग परराष्ट्रमन्त्री खनालको आग्रह
२०८३ मंग्सिर २, बुधबार
सभामुख अर्याल र चिनियाँ जनसंघका अध्यक्ष याङबीच शिष्टाचार भेटवार्ता
२०८३ मंग्सिर २, बुधबार
दानबहादुर कार्कीको रिटमा सर्वोच्चले बोलायो दुवै पक्ष, अन्तरिम आदेशबारे निर्णय हुने
२०८३ मंग्सिर २, बुधबार
त्रिवि पुनर्संरचनाअन्तर्गत पीएन क्याम्पसलाई स्वायत्त बनाउने गृहकार्य सुरु
२०८३ मंग्सिर २, बुधबार
मोरङमा निःशुल्क आँखा शिविर, ३ हजार ५०० को परीक्षण र २७५ जनाको मोतियाबिन्दुको शल्यक्रिया
२०८३ मंग्सिर २, बुधबार
एनपीएल इलिमिनेटरमा आज काठमाडौं र चितवन भिड्दै, विजेताले दोस्रो क्वालिफायर खेल्ने
२०८३ मंग्सिर २, बुधबार
नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला
२०८३ मंग्सिर २, बुधबार