मंग्सिर २, २०८३ बुधबार November 18, 2026

कोरोना भाईरसबाट चीनमा १७० जनाको मृत्यु

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । विश्व स्वास्थ्य संगठन (डब्लूएचओ) ले चीनबाट फैलिएको कोरोना भाइरसबाट जोगिन पूरै विश्वलाई सतर्क रहन अपिल गरेको छ । कोरोना भाइरसको फैलावट रोक्न मिलेर काम गर्न पनि डब्लु एचओले विश्व समुदायलाई आह्वान गरेको छ ।

चीनको वुहानबाट सुरु भएको कोरोना भाइरसको संक्रमण हाल १६ देशमा फैलिइसकेको छ । कोरोना भाइरसका कारण निमोनियाको जस्तो लक्षण देखिने रोगबाट १७० जनाले ज्यान गुमाइसकेका छन् । चीनका सबै प्रान्तका बासिन्दा कोरोनाबाट प्रभावित भएका छन् ।

कोरोना भाइरसले विश्वव्यापी समस्या निम्त्याएपछि बिहीबार डब्लुएचओको आपतकालीन बैठक बस्दै छ । यो बैठकमा विश्वव्यापी स्वास्थ्य संकट घोषणा गर्नुपर्ने कि नपर्ने भन्ने विषयमा छलफल हुने बीबीसीले जनाएको छ ।

डब्लुएचओका महानिर्देशक टेड्रोस एड्हानोमले कोरोना भाइरसबाट संक्रमितको संख्या चीन बाहिर थोरै भए पनि यो संख्या बढ्ने सम्भावना रहेको बताएका छन् । मानिसबाट मानिसमा संक्रमण फैलिएको पुष्टि भएको भन्दै उनले त्यसलाई चिन्ताजनक भनेका छन् ।

सन् २०१२ मा चीनमा फैलिएको सार्स भाइरसको संक्रमणका कारण ७७४ जनाको ज्यान गएको थियो ।

भाइरसको आकार क्राउन (काँडा जस्तो) देखिने भएकाले यसलाई ‘कोरोना’ नाम दिइएको छ । कोरोना भाइरसले मानिसको फोक्सोमा घातक संक्रमण हुन्छ । सबैभन्दा पहिले संक्रमित व्यक्तिलाई ज्वरो आउँछ । त्यसपछि सुक्खा खोकी लाग्छ । एक हप्तापछि सास फेर्न गाह्रो हुन्छ र मानिसको ज्यानै जान्छ ।

चीनमा कोरोना भाइरस केबाट फैलियो भन्ने खुलेको छैन । यसअघि वुहानको साउथ चाइना सी–फुड होलसेल बजार कोरोना भाइरस फैलिएको बताइएको थियो । तर १ डिसेम्बर सन् २०१९ देखिकै दस्तावेजहरुले भने सी–फुड होलसेल बजारसँग कोरोना भाइरसको कुनै नाता नरहेको पुष्टि गरिसकेको बीबीसीले लेखेको छ ।

सार्स भाइरस चमेराबाट बिरालो र बिरालोबाट मानिसमा सरेको पुष्टि भएको थियो । तर कोरोना भाइरस केबाट फैलियो भन्ने पत्ता नलागेकाले यसको रोकथाममा समस्या भइरहेको विशेषज्ञहरुले जनाएका छन् ।

कोरोना भाइरसको संक्रमणबाट जुध्न चीनले वुहानमा १ हजार शय्याको अस्पताल ४८ घण्टामै तयार पारेर उपचार सुरु गरेको छ । चीनले कोरोनाविरुद्ध चालेका कदमहरुको डब्लुएचओले प्रशंसासमेत गरेको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तातोपानी नाका तत्काल खुलाउन चीनसँग परराष्ट्रमन्त्री खनालको आग्रह
२०८३ मंग्सिर २, बुधबार
सभामुख अर्याल र चिनियाँ जनसंघका अध्यक्ष याङबीच शिष्टाचार भेटवार्ता
२०८३ मंग्सिर २, बुधबार
दानबहादुर कार्कीको रिटमा सर्वोच्चले बोलायो दुवै पक्ष, अन्तरिम आदेशबारे निर्णय हुने
२०८३ मंग्सिर २, बुधबार
त्रिवि पुनर्संरचनाअन्तर्गत पीएन क्याम्पसलाई स्वायत्त बनाउने गृहकार्य सुरु
२०८३ मंग्सिर २, बुधबार
मोरङमा निःशुल्क आँखा शिविर, ३ हजार ५०० को परीक्षण र २७५ जनाको मोतियाबिन्दुको शल्यक्रिया
२०८३ मंग्सिर २, बुधबार
एनपीएल इलिमिनेटरमा आज काठमाडौं र चितवन भिड्दै, विजेताले दोस्रो क्वालिफायर खेल्ने
२०८३ मंग्सिर २, बुधबार
नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला
२०८३ मंग्सिर २, बुधबार