मंग्सिर २, २०८३ बुधबार November 18, 2026

कोरोना भाइरसको संक्रमणबाट चीनबाहिर पनि एक जनाको मृत्यु

शेयर गर्नुहोस:
फन्ट परिवर्तन गर्नुहोस: अ अ अ

नोवेल कोरोना भाइरसको संक्रमणबाट चीनबाहिर पनि एक जनाको ज्यान गएको छ। फिलिपिन्सको मनिलामा कोरोना भाइरस लागेका एक जना पुरूषको शनिबार मृत्यु भएको बिबिसीले जनाएको छ ।

ती व्यक्ति कोरोना भाइरस पहिलो पटक पत्ता लागेको चीनको वुहान शहरबाट फिलिपिन्स फर्किएका थिए। फिलिपिन्स आइपुग्नु अघि नै उनी कोरोना भाइरसबाट संक्रमित भएको पाइएको विश्व स्वास्थ्य संगठनले जनाएको छ ।

फिलिपिन्समा अर्का एक जनालाई पनि यो भाइरस देखिएको बताइएको छ । भाइरसको संक्रमण रोक्न फिलिपिन्सले चीन, हङकङ र मकाउका नागरिकलाई आफ्नो देशमा भ्रमण गर्न रोक लगाएको छ।

कोरोना भाइरसको सङ्क्रमण फैलने क्रम तीव्र गतिमा बढेपछि विश्वव्यापी रुपमा सतर्कता बढाइएको छ । विश्वका धेरै देशहरुले कोरोनाको प्रकोप आफ्नो देशमा फैलन नदिन अनेकन उपायहरु अबलम्बन गरिरहेका छन् ।

अमेरिका र अष्ट्रेलियाले पछिल्ला दुई हप्ता चीन भ्रमण गरेका विदेशी नागरिकलाई आफ्नो मुलुकमा प्रवेश निधेष गरेको छ। यस्तै अमेरिकामा चीनबाट फर्किएका आफ्ना सबै नागरिकलाई १४ दिन डाक्टरहरुको निगरानीमा राख्न थालिएको छ ।

यस अघि रसिया, जापान, पाकिस्तान र इटाली लगायतका देशहरूले यस्तै यात्रा प्रतिबन्धको घोषणा गरेका थिए। चीनको वुहान शहरबाट सुरु भएको कोरोना भाइरसको सङ्क्रमणबाट अहिलेसम्म ३०४ जनाको मृत्यु भइसकेको चिनियाँ सञ्चारमाध्यमले जनाएका छन् ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तातोपानी नाका तत्काल खुलाउन चीनसँग परराष्ट्रमन्त्री खनालको आग्रह
२०८३ मंग्सिर २, बुधबार
सभामुख अर्याल र चिनियाँ जनसंघका अध्यक्ष याङबीच शिष्टाचार भेटवार्ता
२०८३ मंग्सिर २, बुधबार
दानबहादुर कार्कीको रिटमा सर्वोच्चले बोलायो दुवै पक्ष, अन्तरिम आदेशबारे निर्णय हुने
२०८३ मंग्सिर २, बुधबार
त्रिवि पुनर्संरचनाअन्तर्गत पीएन क्याम्पसलाई स्वायत्त बनाउने गृहकार्य सुरु
२०८३ मंग्सिर २, बुधबार
मोरङमा निःशुल्क आँखा शिविर, ३ हजार ५०० को परीक्षण र २७५ जनाको मोतियाबिन्दुको शल्यक्रिया
२०८३ मंग्सिर २, बुधबार
एनपीएल इलिमिनेटरमा आज काठमाडौं र चितवन भिड्दै, विजेताले दोस्रो क्वालिफायर खेल्ने
२०८३ मंग्सिर २, बुधबार
नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला
२०८३ मंग्सिर २, बुधबार