माघ २३, २०७९ सोमबार February 6, 2023

२२ वर्षपछि नुवाकोटको चौघडामा लाखेनाच सुरु

शेयर गर्नुहोस:
फन्ट परिवर्तन गर्नुहोस:

चौघडा । नेवार समुदायले आफ्नो परम्परागत मान्यतालाई मजबुत बनाउनका लागि मनाउँदै आएको लाखेनाचलाई यसवर्ष देखि चौघडास्थित सांस्कृति सम्पदा समितिले निरन्तरता दिने भएको छ ।

नेवार समुदायले विशेष पर्वका रुपमा नै मनाउँदै आएको लाखेनाच माओवादी द्वन्द्वका कारण २०५० सालदेखि बन्द हुँदै आएको थियो ।

त्यसपछि पनि स्थानीयहरुले आर्थिक अवस्था तथा अन्य कारणले त्यति चासो दिएका थिएनन् । यस पटकबाट भने स्थानीय संस्थाको सक्रियतामा लाखेनाच सुरु गरिएको चौघडा सांस्कृति सम्पदा समितिका अध्यक्ष बासुदेव श्रेष्ठले जानकारी दिनुभयो ।

उहाका अनुसार लाखेनाचका लागि स्थानीय रुपमा एक लाख २७ हजार सहयोग प्राप्त भएको छ । सो सहयोगपछि समितिले लाखेनाच का लागि चाहिने मुकुटो,ढलकी, झुर्मा लगायतका सामाग्री गरिद गरिएको जानकारी दिनुभयो ।

नागपञ्चीदेखि अर्थात निवारी समुदयादले मनाउने गठेमंगलबाट कृष्ण अष्टमीसम्म लाखेनाच मनाउने प्रचलन रहेको छ । अबदेखि यसरी नै लाखेनचलाई निरन्तरता दिने अध्यक्ष श्रेष्ठले जानकारी दिनुभयो ।

उहाले गाईजात्राका दिन लाखेनाचलाई अझ व्यवस्थित बनाउने भन्दै यसका लागि समाजका वुद्धिजीवीदेखि आम सर्वसाधारण र लिखुबासीलाई सहभागिता जनाउन आग्रह गर्नुभयो ।

गाउँपालिका अध्यक्ष धुव्र श्रेष्ठले परम्परागत संस्कृतिको जर्नेगर्न गाउँपालिका सँधै तयार रहेको भन्दे आफ्नोतर्फबाट पुर्ण सहयोग हुने जानकारीसमेत दिनुभयो ।

नुवाकोट जिल्लाका नेवार समुदाय रहेका स्थानमा लाखेनचको कार्यक्रम आयोजना गरिने प्रचलन रहेको छ ।

जिल्लाको त्रिशली,बेत्रावती, नुवाकोट,दुईपिपल लगायतका स्थानमा भव्य रुपमा लाखेनाच कार्यक्रम आयोजना गरिदै आएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया