‘केसीको प्रतिभालाई राज्यले सहयोग गर्नुपर्छ’

काठमाडौं । लगातार मन्तव्य राखेर विश्व रेकर्ड कायम गर्न लागि पर्नुभएका नुवाकोट लिखुमा अनन्तराम केसीको पक्षमा यतिखेर राम्रो माहोल बन्दै गएको छ ।

उहाको प्रतिभालाई सम्मान गर्नु पर्ने भन्दै विभिन्न व्यक्तित्वहरुले प्रतिवद्धता जनाएका छन् । केसीले विश्वको सबैभन्दा लामो वक्तव्य राख्न आयोजित ‘सहयोग तथा शुभकामना आदानप्रदान’ कार्यक्रममा

मन्त्रीपरिषद्का पूर्वअध्यक्ष खिलराज रेग्मीले नेपाललाई विश्वमा चिनाउने प्रतिभालाई राज्यले सहयोग गर्नुपर्नेमा जोड दिनुभयो ।

रेग्मीले नेपालको नाम विश्वमा चिनाउने प्रतिभालाई राज्यस्तरबाट सहयोग गर्नुपर्ने बताउनुभयो ।

कार्यक्रममा नेपाली कांग्रेसका सहमहामन्त्री डाप्रकाशशरण महतले निरन्तर योग साधनामार्फत नयाँ कामको थालनी गरेर नेपाललाई विश्वसामु चिनाउन लागेको भन्दै शुभकामना दिनुभयो ।

कांग्रेस नेता अर्जुननरसिंह केसीले नेपाललाई विश्वमा चिनाउने अभियान भएकलो यसलाई सबैले साथ दिनुपर्ने बताउनुभयो ।

नुवाकोट क्षेत्र नं २ का सांसद नारायण खतिवडाले केसीको अभियानले नुवाकोट मात्र नभएर सिंगो मुलुकको नाम रहने भन्दै केसीलाई सबैले आ–आफ्नो ठाँउबाट सहयोग गर्नुपर्नेमा जोड

दिनुभयो । नेपाल कम्युनिष्ट पार्टीका केन्द्रीय सदस्य एवं नुवाकोट क्षेत्र– १ का सांसद हितबहादुर तामाङले केसीको क्षमता र प्रतिभालाई विश्वमाझ चिनाउने सुनौलो अवसर भएको बताउनुभयो ।

शिवपुरी गाउँपालिकाका अध्यक्ष रामकृष्ण थापाले अभियान सफलबनाउनका लागि आफ्नो गाउँपालिकाले सक्दो सहयोग गर्ने प्रतिवद्धता व्यक्त गर्नुभयो ।