सिर्जना ज्ञानसागरले गर्यो स्वागत तथा विधाई

काठमाडौं । सिर्जना ज्ञानसागर स्कुलले विद्यार्थी बिधाई तथा स्वागत कार्यक्रमको आयोजना गरेको छ ।

राजधानीको तारकेश्वरस्थित गोलढुंगा–४ मा रहेको सो विद्यालयले शनिबार एक कार्यक्रमको आयोजना गर्दे पुराना विद्यार्थीको विधाई तथा नयाँको स्वागत गरेहो हो ।

कार्यक्रममा एसईई परिक्षामा सफल विद्यार्थीहरुको विधाई तथा कक्षा ११ मा अध्ययनरत विद्यार्थीको स्वागत गरिएको थियो ।

श्रम तथा रोजगार मन्त्री गोकर्ण विष्टको प्रमुख आतिथ्यतामा सम्पन्न भएको कार्यक्रममा विद्यालय व्यवस्थापन समितिका अध्यक्ष लोकनाथ दाहाललको सभापतित्वमा सम्पन्न भएको थियो ।

कार्यक्रममा प्रमुख अतिथि मन्त्री विष्टले मुलुकमा गुणस्तरीय शिक्षाका लागि निजी विद्यालयको महत्वपुर्ण भुमिका रहेको भन्दैसरकराले निजी विद्यालयलाई व्यवस्थित रुपमा अघि बढ्न सहयोग गर्ने बताउनुभयो ।

उहाले सिर्जना ज्ञानसागर स्कुलले गुणस्तरीय शिक्षा प्रदान गर्दै विद्यार्थीहरुलाई भोलिका दिनमा सहिबाटोमा अघि बढ्न प्रेरणा प्रदान गर्दै गुणस्तरीय शिक्षा प्रदान गरिरहेको भन्दै विद्यालयको प्रशंसा गर्नुभएको थियो ।

तारकेश्वर नगरपालिकाकी उपप्रमुख भवानी डोटेलले विद्यालयले अझ गुणस्तरीय शिक्षा प्रदान गर्दै जानुपर्नेमा जोड दिँदै तारकेश्वर नगरपालिकामा सिर्जनाज्ञानसागर स्कुल एउटा नमुनाको रुपमा रहेको उल्लेख गर्नुभयो ।

कार्यक्रममा विद्यालयका प्राचार्य राजेन्द्र फुयाँलले विद्यालयका गतिविधिकासाथै आगामी दिनमा विद्यालयले आफ्ना कमीकमजोरीलाइ सच्याउँदै अझ गुणस्तरीय शिक्षा प्रदान गर्दै जाने प्रतिवद्धता व्यक्त गर्नुभयो ।

विभिन्न सांस्कृति कार्यक्रममकासाथ सम्पन्न भएको कार्यक्रममा विद्यालयको विभिन्न विधामाउत्कृष्ट हुने छात्र तथा छात्राहरुलाई पुरस्कार समेत वितरण गरिएको थियो ।

तारकेश्वरस्थितसानोपुल नजिक रहेको विद्यालयमा राजधानीका मध्यमवर्गका झण्डै सात सय विद्यार्थीहरु अध्ययनरत रहेका छन् ।

यस वर्षबाट प्लस टु समेत सञ्चालन गरिएको विद्यालयमा विद्यार्थीहरुका लागि सस्तो र गुणस्तरीय शिक्षा प्रदान गर्ने विद्यालयका प्राचार्य फुँयालले प्रतिवद्धता समेत जनाउनुभयो ।