असोज २०, २०८३ मंगलबार
October 6, 2026
न्युज डेस्क
२०७७ जेठ ७, बुधबार
काठमाडौं । कोरोना भाइरसको संक्रमणपछि कोशी अस्पतालमा उपचाररत ८ जना निको भएर डिस्चार्ज भएका छन्।
उदयपुरको त्रियुगा नगरपालिका–३ भुल्केका ४ जना र ४ जना भारतीय नागरिक बुधबार डिस्चार्ज भएको मोरङका प्रहरी प्रमुख एसपी विश्व अधिकारीले जानकारी दिएका छन।
‘उदयपुरका ४ र ४ भारतीय नागरिक उपचारपश्चत निको भएर आज डिस्चार्ज हुनुभएको छ’, एसपी अधिकारीले भने।
भुल्केस्थित नुरी मस्जिदमा बस्दै आएका ४ भारतीय कोरोना संक्रमण पुष्टि भएपछि वैशाख ५ गते कोशी अस्पतालको उपचार केन्द्रमा भर्ना भएका थिए।
४ जना स्थानीयमध्ये ३ जना वैशाख ९ र एक जना वैशाख १० गते भर्ना गरिएका थिए।
योसँगै देशभर निको भएर घर फर्कनेको संख्या ४५ पुगेको छ।
डिस्चार्ज भएपछि भुल्केका ४ जनालाई होम क्वारेन्टिनमा र ४ भारतीयलाई विराटनगर–१५, रानीस्थित मरकजमा १४ दिन क्वारेन्टिनमा राख्ने व्यवस्था गरिएको एसपीस् अधिकारीले बताएका छन।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया