असार २३, २०८२ सोमबार
July 7, 2025
न्युज डेस्क
२०७७ असार २३, मंगलबार
काठमाण्डौः खाडी र मलेसियाबाट मंगलबार विभिन्न सात उडानमार्फत ११ सय ७४ जना नेपाली स्वदेश आइपुगेका छन् ।
कुवेतबाट तीन उडानमार्फत ४६८ जना नेपाली स्वदेश फर्किएका त्रिभुवन अन्तर्राष्ट्रिय विमानस्थलले जनाएको छ । नेपाल एअरलाइन्सको चार्टर्ड उडानमार्फत १४९ जना र आममाफीमा सहभागी ३१९ जना जजिरा एअरको दुई उडानमार्फत आज स्वदेश फर्किएका हुन् ।
यस्तै आज साउदीबाट पनि दुई उडानमार्फत नेपालीहरु स्वदेश आएका छन् । नेपाल एअरलान्सको चार्टर्ड उडानमार्फत साउदीको रियादबाट २५२ जना र हिमालयको चार्टर्ड उडानमार्फत दमामबाट १५४ जना घर फर्किएका हुन् । दमामबाट २ र रियादबाट १ जना नेपालीको शव पनि ल्याइएको छ ।
हिमालय एअरलाइन्सकै चार्टर्ड उडानमार्फत आज यूएईको आबुधावीबाट पनि दुई बच्चासहित १५५ जना नेपाली स्वदेश आएका छन् भने मलेसियाको क्वालालाम्पुरबाट १४८ जना फर्किएका विमानस्थलले जनाएको छ ।
यतै आज राति नेपाल एअरलाइन्स र हिमालय एअरलाइन्सका जहाज यूएईको दुबई र कतारको दोहा जाँदैछन् ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया