चौघडा एग्रोले ल्यायो मकै रोप्ने यान्त्रिक मेसिन

चौघडा । जिल्लाको लिुख गाउँपालिकामा रहेको चौघडा एग्रो अर्गानिक प्रालिले आधुनिक रुपमा मकै रोप्ने यान्त्रिक मेसिन ल्याएको छ । करिब दुई लाख रुपयाँ पर्ने उक्त मेसिनले प्रतिघण्टा १५ रोपनी जमिननमा मैकैको बीउँ रोप्ने सक्ने उक्त मेसिनको सोमबार चौघडामा वडा नं ४ का वडा अध्यक्ष नरबहादुर राईले उद्घाटन गर्नुभएको थियो ।

मकै र मल एकैपटक प्रयोग गर्न सकिने उक्त मेसिनले लगाएको मकैलाई गोडनका लागि पनि मेसिनबाट नै सकिने प्रालिका कार्यकारी निर्देशन सरोज महतले जानकारी दिनुभयो । विशेषगरि सम्म र ठुला प्लटहरुका लागि उपयुक्त रहेको उक्त मेसिनले छिटो काम गर्न सक्ने भएकाले ठुलो मात्रामा जनशक्ति खपतमा सहयोग गर्ने निर्देशक महतले नुवाकोट पुकारलाई जानकारी दिनुभयो ।

आधुनिक खेतीमा नुमनाको रुपमा नै स्थापित गर्ने उदेश्यले सुरु गरिएको सो प्रालिले यसअघि धान रोप्ने मेसिन, धान काट्ने मेसिन, आलु रोप्ने मेसिन, खन्ने मेसिन औषधी छर्ने मेसिन समेत ल्याइसकेको छ । कम्पनीले यस्ता मेसिनहरु स्थानीय किसानहरुलाई भाडामा समेत उपलब्ध गाराउँदै आएको कार्यकारी निर्देशन महतले जानकारी दिनुभयो । कृषि क्षेत्रका लागि निकै प्रख्यात मानिसको चौघडामा २ सय ४० रोपनी जमिनमा सो प्रालिले करिब ३ करोड लगानी गर्दै आधुनिक कृषि खेती गर्दै आएको छ ।

सो प्रालिले आलु खेती, मकैको विउ उत्पादन, उन्नत आलुको बीउ उत्पादन लगायत पशुपालन गर्दै मल उत्पादन सम्मको कार्ययोजान सहित काम अघि बढाईरहेको छ । जिल्लाकै नमुना कृषि फार्म बनाउने उदेश्य सहित आयोजनाले १ सय ५० रोपनीमा उन्नत आलुको बीउ उत्पादन गरेको छ भने ४० रोपनीमा आलु खेती गरेको छ ।

यस्तै ४० रोपनीमा पशु पालन गर्ने योजनासहित काम अघि बढाएको छ । आन्तरिक तथा बाह्य पर्यटकलाई समेत आकर्षित गर्ने उदेश्यले एग्रो टुरिजमको रुपमा पनि विकास गर्ने योजना अघि सारेको छ । नमुना कृषि फार्मको योजानकासाथ काम गरिरहेको सो संस्थाले अबको एक वर्षमा आफ्ना सबै लगानी उठाने योजना बनाएको छ । नुवाकोट पुकार साप्ताहिकबाट