राप्रपा केन्द्रीय कार्यसम्पादन समितिको बैठक धुम्बाराहीमा सुरु

काठमाडौं: राष्ट्रिय प्रजातन्त्र पार्टी (राप्रपा)को केन्द्रीय कार्यसम्पादन समितिको बैठक केन्द्रीय कार्यालय धुम्बाराहीमा सुरु भएको छ। बैठकमा भोलि असार ५ गतेदेखि सुरु हुने पार्टीको केन्द्रीय कार्यसमिति बैठकमा प्रस्तुत गरिने एजेण्डाहरूमाथि प्रारम्भिक छलफल सुरु गरिएको प्रवक्ता मोहन श्रेष्ठले जानकारी दिनुभयो

बैठकमा वर्तमान समसामयिक राजनीतिक परिस्थितिको समीक्षा गर्ने, आगामी केन्द्रीय महाधिवेशनको तालिका तय गर्ने तथा पार्टी संगठन सुदृढीकरणसँग सम्बन्धित विषयमा केन्द्रित छलफल हुने जनाइएको छ।

यसका साथै सक्रिय सदस्यता वितरण नियामावली–२०८३, सांगठनिक तह निर्वाचन सम्बन्धी नियमावली, निर्वाचन कार्यतालिका तथा निर्वाचन निर्देशिका–२०८३ माथि विस्तृत छलफल हुने कार्यक्रम रहेको छ।

राप्रपाले आगामी सांगठनिक गतिविधि र आन्तरिक संरचना व्यवस्थापनलाई व्यवस्थित बनाउने उद्देश्यका साथ बैठकमार्फत महत्वपूर्ण निर्णय प्रक्रियालाई अघि बढाउने तयारी गरेको जनाएको छ।