असार २४, २०८२ मंगलबार
July 8, 2025
युग खबर
२०७८ असार ९, बुधबार
काठमाडौंः राष्ट्रिय क्रिकेट टोलिको बन्द प्रशिक्षण सुरु भएको छ । कीर्तिपुरस्थित त्रिवि क्रिकेट ग्राउन्डमा मंगलबारबाट राष्ट्रिय क्रिकेट टोलिका बन्द प्रशिक्षणमा सूचीकृत खेलाडीहरुको प्रशिक्षण सुरु भएको नेपाल क्रिकेट संघ (क्यान) ले जनाएको छ ।
नेपालले नामीबिया र स्कटल्याण्ड सम्मिलित विश्व क्रिकेट लिग डिभिजन २ को तयारी स्वरुप बन्द प्रशिक्षण सुरु गरेको छ । प्रतियोगिताको तालिका भने सार्बजनिक भइसकेको छैन् । बन्द प्रशिक्षणका लागि राष्ट्रिय क्रिकेट टोलिका प्रमुख प्रशिक्षक डेभ व्हाटमोर गत् साता नै श्रीलङ्काबाट नेपाल फर्किनुभएको थियो ।
प्रशिक्षणमा अलराउन्डर पृथु बास्कोटा ब्यक्तिगत् कारणले उपस्थित हुन नसक्ने जनाउनुभएको छ । बाँकीका १९ जना खेलाडी प्रशिक्षणमा सहभागी भएको क्यानले जनाएको छ ।
ज्ञानेन्द्र मल्ल, कुशल भुर्तेल, आरिफ सेख, पारस खडका, दीपेन्द्रसिंह ऐरी, आसिफ सेख, कुशल मल्ल, बिनोद भण्डारी, करण केसी, सन्दीप लामिछाने बन्द प्रशिक्षणमा सहभागी भएका छन् । त्यसैगरी, सोमपाल कामी, कमलसिंह ऐरी, अविनाश बोहरा, सन्दीप जोरा, साहब आलम, सुशन भारी, शरद भेषवाकर, बिक्रम सोब, पवन सर्राफ बन्द प्रशिक्षणमा सहभागी भएको क्यानले जनाएको छ ।
युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
प्रतिक्रिया