भारतमा कोरोनाको दोस्रो लहरमा ७९८ चिकित्सकको मृत्यु

काठमाडौंः भारतमा कोरोना भाइरस महामारीको दोस्रो लहरमा कोरोना सङ्क्रमणले ७९८ चिकित्सकको मृत्यु भएको छ ।

भारत चिकित्सक सङ्घले मङ्गलबार दोस्रो लहरमा ७९८ चिकित्सकले ज्यान गुमाएकोमा राजधानी नयाँदिल्लीमा मात्रै १२८ सङ्क्रमित चिकित्सकको मृत्यु भएको जनाएको छ ।

संघका अनुसार नयाँ दिल्लीपछि भारतको बिहार राज्यमा सबैभन्दा बढी सङ्क्रमित चिकित्सकको मृत्यु दर्ता गरिएको छ । बिहारमा दोस्रो लहरमा मात्र ११५ जना तथा उत्तर प्रदेशमा ७९ जना चिकित्सकको मृत्यु दर्ता गरिएको छ ।

समाचार संस्था एएनआईका अनुसार महाराष्ट्रमा २३ र केरलामा २४ जना चिकित्सकको मृत्यु भएको छ । दुबै राज्य कोरोनाभाइरसको डेल्टा प्लस स्वरुपबाट अत्यन्तै प्रभावित छन् ।