२१औं संस्करणको एसियन महिला भलिबल च्याम्पियनसिप स्थगित

काठमाण्डौंः भदौँ दोस्रो सातादेखि फिलिपिन्सको क्लार्क र सेविकमा आयोजना हुने भनिएको २१औं संस्करणको एसियन सिनियर महिला भलिबल च्याम्पियनसिप स्थगित भएको छ ।

कोरोना भाईरसको महामारीको कारण फिलिपिन्स भलिबल फेडेरेसनले च्याम्पियनसिप स्थगित भएको हो ।

च्याम्पियनसिप अगष्ट २९ देखि सेप्टेम्बर ४ सम्म हुने तालिका रहेको थियो ।

सुरुवातमा यस प्रतियोगिता नेपालले पनि खेल्ने तय थियो । तर, कोभिडको कारण नेपाल च्याम्पियनसिप खेल्नबाट बञ्चित भएको थियो ।

एसियन भलिबल कन्फेडेरेसन (एभीसी) ले नेपाललाई बाहिर राख्दै प्रतियोगिताको समूह विभाजन गरेको थियो ।

सुरुवातमा १७ राष्ट्र रहेपनि त्यसपछि ५ राष्ट्रले नाम फिर्ता लिदा १२ टोलीको सहभागिता रहने बताएको थियो । तर, अन्तिम समयमा कोरोनाका कारण ८ टोलीको मात्रै खेल्ने टुंगो लागेको थियो ।