मंग्सिर २, २०८३ बुधबार November 18, 2026

भारतका १४ राज्य अशान्त, भाजपाले थाल्यो जागरण अभियान

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं । नागरिकतासम्बन्धी नयाँ कानुनका कारण भारतमा पछिल्लो एक हप्तामा १४ राज्यमा विरोध प्रदर्शन जारी छ । यो विरोध प्रदर्शनलाई मत्थर पार्ने प्रयासमा सत्तारुढ भारतीय जनता पार्टी (भाजपा)ले जागरण अभियान सञ्चालन गर्ने निर्णय गरेको छ ।

यसक्रममा जनतालाई भेटेर नागरिकता विधेयकबारे बुझाउने, आफ्नो देशमा प्रताडित भएका कारण भारतमा शरण लिएर बस्दै आएकाहरुलाई समेत सहभागी गराएर र्‍याली निकाल्नेलगायतका कार्यक्रम हुनेछन् । भाजपा महासचिव भुपेन्द्र यादवका अनुसार अभियानका क्रममा २५० स्थानमा पत्रकार सम्मेलन गरेर विपक्षी दलको भण्डाफोर गर्नेलगायतका कार्यक्रम पनि हुनेछन् ।

भारत सरकारले नागरिकता सम्बन्धी कानुन संशोधन गरेर भारतमा शरण लिएर बस्दै आएका अफगानिस्तान, बंगलादेश र पाकिस्तानका गैरमुस्लिम समुदायलाई भारतीय नागरिकता दिने निर्णय गरेको थियो । यसबाट मुस्लिम समुदायलाई विभेद भएको भन्दै सुरु भएको आन्दोलनका कारण एक दर्जन बढी नागरिकको ज्यान गइसकेको छ ।

यस बीचमा दुई मुद्दा प्रमुख रुपमा उठेका छन् । पहिलो- नागरिकता संशोधन कानुन अर्थात् सीएए । र, दोस्रो- नेशनल रजिष्टर अफ सिटिजन अर्थात् एनआरसी ।

नागरिकता संशोधन विधेयकको हालसम्म नौ मुख्यमन्त्रीले विरोध जनाएका छन् । यी मुख्यमन्त्री ती नौ राज्यमा सरकार चलाइरहेका छन् जहाँ भारतको एक तिहाइ भूभाग पर्दछ र ३० प्रतिशत जनसंख्या ओगट्छ । यीमध्ये १८ प्रतिशत जनसंख्यावाला पाँच राज्य यस्ता छन्, जहाँका मुख्यमन्त्रीले स्पष्ट भनिदिएका छन् कि हामी यो कानुनलाई लागू हुन दिँदैनौं ।

हाल भारतमा केन्द्र शासित ९ सहित २८ प्रदेश छन् ।

दोस्रो मुद्दा एनआरसीको योजनाको खाका तयार हुनु अगाडि नै ७ मुख्यमन्त्रीहरुले त्यसलाई आफ्नो राज्यमा लागू हुन नदिने बताइसकेका छन् ।

भारतका मध्यप्रदेश, छत्तीसगढ र दिल्लीका मुख्यमन्त्रीले पनि नागरिकता कानुनको विरोध गर्दै आएका छन् । तर उनीहरुले भने यसलाई लागू हुन नदिने अभिव्यक्ति भने दिएका छैनन् । मध्यप्रदेश र छत्तिसगढका मुख्यमन्त्रीहरुले कांग्रेसको विरोध नै आफूहरुको विरोध हो भनेका छन् ।

तेलंगनामा सत्तारुढ तेलगंना राष्ट्र समिति (टिआरएस)ले पनि संसदमा नागरिकता विधेयकको विरोध गरेको थियो यद्यपि यसलाई लागू गर्न दिने कि नदिने भन्नेमा उसको धारणा स्पष्ट भइसकेको छैन ।

नागरिकता संशोधनको विरोधमा भारतमा प्रदर्शन जारी छ । प्रदर्शनको सुरुवात आसाम र पूर्वोत्तर राज्यबाट भएको थियो । त्यसपछि राजधानी दिल्लीको जामिया र उत्तर प्रदेशको अलिगढ मुस्लिम युनिभर्सिटीमा आन्दोलन सुरु भएको थियो । प्रहरीले आन्दोलनमा दमन गरेको भन्दै विस्तारै अन्य शिक्षण संस्थाहरुमा पनि प्रदर्शन हुन थाल्यो । पछिल्ला दिनहरुमा उत्तर प्रदेशका अलग-अलग शहरहरुमा हिंसात्मक आन्दोलन भइरहेको छ । बिहीबार बाम दल र मुस्लिम संगठनहरुले बन्द आह्वान गरेका थिए भने शुक्रबार पनि धेरै राज्यहरुमा हिंसात्मक प्रदर्शन भए । शनिबार आरजेडीले पनि बन्द आह्वान गरेको थियो ।

प्रदर्शनकारीले सवारी साधन, प्रहरी चौकी र सार्वजनिक सम्पत्तिमा तोडफोड तथा आगजनी गरेका छन् । आन्दोलनका कारण कतिपय राज्यमा निषेधाज्ञा लागू गरिएको छ भने इन्टरनेट सेवासमेत बन्द गराइएपछि जनजीवन प्रभावित भएको छ ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
तातोपानी नाका तत्काल खुलाउन चीनसँग परराष्ट्रमन्त्री खनालको आग्रह
२०८३ मंग्सिर २, बुधबार
सभामुख अर्याल र चिनियाँ जनसंघका अध्यक्ष याङबीच शिष्टाचार भेटवार्ता
२०८३ मंग्सिर २, बुधबार
दानबहादुर कार्कीको रिटमा सर्वोच्चले बोलायो दुवै पक्ष, अन्तरिम आदेशबारे निर्णय हुने
२०८३ मंग्सिर २, बुधबार
त्रिवि पुनर्संरचनाअन्तर्गत पीएन क्याम्पसलाई स्वायत्त बनाउने गृहकार्य सुरु
२०८३ मंग्सिर २, बुधबार
मोरङमा निःशुल्क आँखा शिविर, ३ हजार ५०० को परीक्षण र २७५ जनाको मोतियाबिन्दुको शल्यक्रिया
२०८३ मंग्सिर २, बुधबार
एनपीएल इलिमिनेटरमा आज काठमाडौं र चितवन भिड्दै, विजेताले दोस्रो क्वालिफायर खेल्ने
२०८३ मंग्सिर २, बुधबार
नमोबुद्ध जात्रा : करुणा र देहत्यागको बौद्ध मान्यता जोडिएको ऐतिहासिक मेला
२०८३ मंग्सिर २, बुधबार