मंग्सिर ५, २०८३ शनिबार November 21, 2026

आईसीसी विश्वकप क्रिकेट लिग -२ : नेपालले अमेरिकालाई ५ विकेटले हरायो

शेयर गर्नुहोस:
फन्ट परिवर्तन गर्नुहोस: अ अ अ

काठमाडौं: आईसीसी विश्वकप क्रिकेट लिग-२ अन्तर्गत नेपाल र अमेरिकाबीच खेलिएको पहिलो अन्तराष्ट्रिय एकदिवसीय खेलमा नेपालले अमेरिकालाई ५ विकेटले पराजित गरेको छ।

ओमानको राजधानी मस्कटस्थित अल अमेरट क्रिकेट मैदानमा भर्खरै सम्पन्न डे-नाइट खेलमा नेपालका लागि ओपनर कुशल भुर्तेल र मिडल अर्डर ब्याट्सम्यान रोहित पौडेलले अर्धशतकिय पारी खेल्दा नेपालले प्रतियोगिताको पहिलो खेलमा जित दर्ता गरेको हो।

नेपालका लागि भुर्तेलले सर्वाधिक ८४ रनको पारी खेल्दा पौडेलले अविजित ६२ रन बनाएका थिए।

त्यसअघि टस जितेर पहिले ब्याटिङ गर्ने निर्णय गरेको अमेरिकाले निर्धारित ५० ओभरमा ९ विकेट गुमाएर २३० रनको बलियो योगफल तयार गरेको थियो। अमेरिकाका लागि टप अर्डर ब्याट्सम्यान मनांक पटेलले सर्वाधिक १०० रन बनाएका थिए।

नेपालका लागि भने स्पिनरद्वय सन्दीप लामिछाने र सुशन भारीले व्यक्तिगत १० ओभरमा निकै किफायती बलिङ गर्दै समान २-२ विकेट लिन सफल भएका थिए। त्यस्तै तिब्र गतिका बलर विक्रम सोबले २ विकेट लिंदा कुशल मल्लले १ विकेट लिन सफल भएका थिए।

जवाफी ब्याटिङमा २३१ रनको लक्ष्य लिएर मैदानमा उत्रेको नेपालले शानदार ब्याटिङको प्रदर्शन गर्दै ४९ ओभरमा नै जित निकालेको हो। भुर्तेल र पौडेलसँगै विकेट किपर ब्याट्सम्यान विनोद भण्डारीले पनि ३७ रनको शानदार पारी खेलेका थिए।

अमेरिकाका लागि स्पिनर निसर्ग पटेल तथा नोसतुश केन्जिगेले समान २-२ विकेट लिन सफल भएका थिए भने कप्तान सौरभले १ विकेट लिएका थिए। तर नेपाली ब्याट्सम्यानले शानदार ब्याटिङ गर्दा नेपालले त्रिकोणात्मक सिरिजमा शुखद सुरुवात गरेको छ।

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया

ताजा अपडेट
परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता
२०८३ मंग्सिर ५, शनिबार
देश समृद्ध बनाउँदै भ्रष्टाचार अन्त्य गर्ने अभियानमा छु : सभामुख अर्याल
२०८३ मंग्सिर ५, शनिबार
प्रधानमन्त्री शाह आइतबार भारतको राजकीय भ्रमणमा जानुहुँदै
२०८३ मंग्सिर ५, शनिबार
दलको झोला बोक्ने र नेताको चाकडी गर्ने कर्मचारीमाथि कडा कारबाही हुन्छ : गृहमन्त्री गुरुङ
२०८३ मंग्सिर ५, शनिबार
हरेदी दलसँग गठबन्धन बन्ने अभिग्डोर लिबरम्यानको विश्वास
२०८३ मंग्सिर ५, शनिबार
राष्ट्रपति पौडेलसँग जापानका उपमन्त्रीको शिष्टाचार भेटवार्ता
२०८३ मंग्सिर ५, शनिबार
चुनावमा सामाजिक सञ्जाल र सूचना प्रविधिको प्रयोगलाई बढाउनुपर्छः संयोजक दाहाल
२०८३ मंग्सिर ५, शनिबार