चैत्र १६, २०८० शुक्रबार March 29, 2024

रसुवामा रेडक्रसले मनायो ५६ औं स्थापना दिवस

शेयर गर्नुहोस:
फन्ट परिवर्तन गर्नुहोस:

धुन्चे । मानवीय सेवामा समर्थित रहँदै आएको नेपाल रेडक्रस सोसाईटीले आफ्नो स्थापना दिवस मनाएको छ । ‘सबै ठाउँमा सबैको लागि मुस्कान“ भन्ने नारा सहित नेपाल रेडक्रस सोसाइटी को ५६ औं स्थापना दिवस मुलुकभर मनाएको छ । यसै क्रममा नेपाल रेडक्रस रसुवा र नुवाकोट शाखाले पनि विभिन्न कार्यक्रमको आयोजना गरि यो दिवस मनाएको छ ।

नेपाल रेडक्रस सोसाइटी रसुवा जिल्ला शाखाले सदरमुकाम धुन्चेमा एक कार्यक्रमको आयोजना गरेको थियो । बिहान धुन्चेमा एक ¥यालीको आयोजना गरेको थियो । ¥याली पछि आयोजित कार्यक्रममा जिल्ला सभापति बाबुलाल तामाङले रेडक्रस जस्तो मानवीय सेवामा समर्थित संस्थामा रहेर सामाजिक काम गर्न पाउँदा आफु अत्यन्तै उत्साहित भएको बताउनुभयो ।

उहाले रेडक्रममा रहेर आफुले तीस वर्षदेखि काम गर्दै आएको भन्दै सहयोग गर्ने सबैप्रति आभारी व्यक्त गर्नुभएको थियो । अध्यक्ष तामाङल जहाँ विपत्ति त्यहा रेडक्रस भन्ने अभियानकासाथ आफूहरले काम गरिरहेको भन्दै रसुवामा जस्तासुकै विपतमा पनि रेडक्रस जनताको सेवामा समर्थित रहेको जानकारी दिनुभयो ।

कार्यक्रममा रेडक्रसका जिल्ला संयोजक मधुसुधन थापाले मानवीय सेवामा समर्थित संस्था भएकाले यसले जहिले पनि निस्वार्थ भावनाले सामाजिक काम गरिरहेको भन्दै यसलाई अझै फराकिलो बनाउँदै लैजाने जानकारी दिनुभयो ।

रेक्रसले रसुवामा भुकम्प प्रभावित,पहिरो पीडितका साथै अन्य विपदमा परेका नागरिकहरुलाई सहयोग गर्दै आइरहेको जानकारी दिदै यसलाई निरन्तर रुपमा अघि बढाउने प्रतिवद्धता व्यक्त गर्नुभयो ।

यस्तै रेडक्रसको स्थापना दिवसका अवसर पारेर नुवाकोटमा पनि विभिन्न कार्यक्रमको आयोजना गरिएको छ । नेपाल रेडक्रस सोसाइटीले पछिल्लो समय ३५ लाखभन्दा बढी भूकम्प पीडितलाई मानवीय साहायतअन्तर्गत विविध क्षेत्रमा सहयोग गरेको बताइएको छ ।

सो संस्थाले विशेष गरी भूकम्प अति प्रभावित निुवाकोट रसुवा,धादिङसहित अन्य ११ जिल्लामा आवास पुनः निर्माणमा सक्रिय हुँदै आएको छ । आय आर्जन, खानेपानी तथा सरसफाईलगायतका क्षेत्रमा रेडक्रसको सहयोग जारी राखेको छ । नुवाकोट पुकार साप्ताहिकबाट 

युगखबर अनलाइनमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।

यो खबर पढेर तपाईलाई कस्तो महसुस भयो ?

प्रतिक्रिया