उपत्यकामै कोरोना संक्रमति भेट्टिएपछि लक डाउन थप कडा

काठमाडौँ । उपत्यकामै कोरोना संक्रमति भेट्टिएपछि सरकारले लक डाउन कडा पारेको छ।

चैत ११ गते घोषणा गरेको लक डाउन केही समय खुुकुलो भए पनि बिहीबारदेखि पनि निक्कै कडा पारिएको छ।

लकडाउनले अर्थतन्त्रमा असर पारेको भन्दै सरकारले आइतबारदेखि सवारी साधन सञ्चालनका लागि केही सहज बनाए पनि मंगलबार बेलुका उपत्यकामै तीन जना संक्रमित भएपछि जारी गरिएका सबै पास रद्द गर्दै बिहीबारदेखि लक डाउन कडाइका साथ लागू गरिएको सुरक्षा निकायले जनाएका छन्।

उपत्यकाका सडकमा पुग्दा सुरक्षाकर्मीहरुले सवारी चेकजाँचलाई कडाई गरेको देखिन्छ ।

सडकमा मानिसहरुको आवात जावत निक्कै कम देखिएको छ। अत्यावस्यक सेवाका साधनहरु, उपभोग्य वस्तुका साधनहरु, सञ्चारकर्मी, स्वास्थ्यकर्मी लगायतका व्यक्तिको सवारी साधनलाई चेकजाँच गरी प्रहरीले छाड्ने गरेको छ। सवारी पास नभएका सवारी साधनलाई भने नियन्त्रण लिइरहेको छ।

उपत्यकाका भित्रि सडकहरुमा अत्यावस्यक उपभोग्य खाद्य पसलहरु खुलेका छन भने मानिसहरु आफ्नो घर नजिकको पसल सम्म पुगेर किनमेल गरेको देखिन्छ। यस्तै कतिपय भित्रि सडकहरुमा स्थानीयहरुले बाटो बन्द गरेका छन्।

भक्तपुरमा दुई जना संक्रमित भएपछि चारवटै नगरपालिकाले आन्तरिक सूचना जारी गर्दै आवागन रोक्न निर्देशन दिएका छन्। मध्यपुर नगरपालिकाले आफ्नो घरमा कोठा भाडामा बस्ने उपत्यका बाहिर गएर आएकालाई परीक्षण नगरी घरमा नराख्नसमेत आग्रह गरेको मेयर मदन सुन्दर शाक्यले जानकारी दिएका छन।

गत चैत ११ गते देखि कोरोना भाइरस रोकथाम तथा नियन्त्रणका लागि लागू गरेको लकडाउनको बिहीबार ५२ औँ दिन हो । स्वास्थ्य तथा जनसंख्या मन्त्रालयका अनुसार आज सम्म २ सय ४५ जनामा कोरोना भाइरस संक्रमण फेला परेको छ।

जसमध्ये ३५ जना निको भएका छन भने २ सय ४५ जना आइसोलेसनमा रहेका छन्।

अहिले सम्म २१ हजार ३ सय ६६ पीसीआर प्रविधिबाट परीक्षण भएको छ भने ६० हजार ३ सय १९ जनाको आरडीटी परीक्षण भएको छ । अहिले देशभर १४ हजार ३ सय १३ जना क्वारेन्टाइनमा रहेका छन्।